ކ. މާލެ
|
25 ޑިސެންބަރ 2019 | ބުދަ 01:40
އެކި އެކި ދީންތަކުގެ މީހުންގެ މެދުގައި އިތިއޯޕިއާގައި އަންނަނީ ހަމަނުޖެހުން ހިނގަމުން
އެކި އެކި ދީންތަކުގެ މީހުންގެ މެދުގައި އިތިއޯޕިއާގައި އަންނަނީ ހަމަނުޖެހުން ހިނގަމުން
އަލްޖަޒީރާ
އިތިއޯޕިއާ
އިތިއޯޕިއާގައި މިސްކިތްތަކެއްގައި ރޯކޮށްލުމާއި ގުޅިގެން އެގައުމުގެ މުސްލިމުން މުޒާހަރާކުރަނީ
 
މިހަމަނުޖެހުންތަކުގައި މިހާތަނަށް 15 މީހުން ހައްޔަރު ކޮށްފައިވޭ
 
ހުކުރު ދުވަހު މޯޓާ ޓައުންގައި ހުރި މުސްލިމުންގެ ވިޔަފާރިތަކަކަށްވެސް ވަނީ ގެއްލުންދީފައި
 
މުސްލިމުން ކުރަމުންދާ މުޒާހަރާތަކުގައި އެމީހުން ގޮވާލަމުންދަނީ އިންސާފު ހޯދައިދިނުމަށް

އިތިއޯޕިއާގެ ހަތަރު މިސްކިތެއްގައި ރޯކޮށްލާ އަންދާލުމާއި ގުޅިގެން އެގައުމުގެ އެތައް ހާސް މުސްލިމުންނެއް މުޒާހަރާކުރަން ފަށައިފިއެވެ.

އެމްހާރާ ސަރަހައްދުގައި ހުރި މިސްކިތްތަކެއްގައި ރޯކޮށްލާ އަންދާލުމާއި ގުޅިގެން މުސްލިމުން ކުރަމުންދާ މުޒާހަރާތަކުގައި އެމީހުން ގޮވާލަމުންދަނީ އިންސާފު ހޯދައިދިނުމަށެވެ. ހުކުރު ދުވަހު މޯޓާ ޓައުންގައި ހުރި މުސްލިމުންގެ ވިޔަފާރިތަކަކަށްވެސް ވަނީ ގެއްލުންދީފައެވެ.

މިހިނގަމުންދާ ހަމަނުޖެހުންތަކާ ގުޅިގެން އިތިއޯޕިއާގެ ބޮޑުވަޒީރު އަބީ އަހުމަދު ބުނެފައިވަނީ މިހަމަލާތަކަކީ އެގައުމުން އެތައް އަހަރެއް ވަންދެން އެކި ދީންތަކުގެ މީހުން އުޅެމުން އަންނަ އެއްބައިވަންތަކަން ނަގާލުމަށް ހައްދު ފަހަނައަޅައި ގޮސްފައިވާ ފަރާތްތަކުން ދޭ ހަމަލާތަކެއް ކަމަށެވެ.

އިތިއޯޕިއާގެ ދީނީ އިލްމުވެރިއެއް ކަމަށްވާ ކާމިލް ޝެމްސޫ އެސޯސިއޭޓް ޕްރެސް އަށް މައުލޫމާތު ދެމުން ބުނީ މިހިނގަމުންދާ ހަމަނުޖެހުންތަކަކީ ސިޔާސީ ބަޔަކު އެއް ދީނެއްގެ ބަޔަކާއި އަނެއް ދީނެއް ބަޔަކު ޖައްސާ ހަމަނުޖެހުން އުފައްދަން ކުރާ މަސައްކަތްތަކެއް ކަމަށެވެ.

އެމްހާރާ ރީޖަންގެ އޮފިޝަލުން ބުނެފައިވަނީ މިހަމަނުޖެހުންތަކުގައި މިހާތަނަށް 15 މީހުން ހައްޔަރުކޮށްފައިވާ ކަމަށެވެ. ފުލުހުންގެ ކޮމާންޑަރ ޖީމަލް މެކޮނެން ސްޓޭޓް މީީޑިޔާއަށް ދީފައިވާ އިންޓަރވިއުއްގައި ބުނެފައިވަނީ މުސްލިމުންނަށް އަމާޒުކޮށް ދޭ މިހަމަލާތައް ފަށާފައިވަނީ ޗާރޗެއްގައި އަލިފާން ރޯވި ހާދިސާ އަކާ ގުޅިގެން ކަމަށެވެ.

އިތިއޯޕިއާގައި މިފަހަކުން އަންނަނީ އެކި ދީންތަކުގެ މީހުން އަޅުކަން ކުރުމަށް ހަދާފައި ހުންނަ ތަންތަނަށް ދޭ ހަމަލާތައް އިތުރުވަމުންނެވެ. އަދި އެކި ދީންތަކުގެ މީހުންގެ މެދުގައި ހަމަނުޖެހުންތައް ހިނގަނީ ބިމުގެ މައްސަލަތަކާއި ގަބޫލުކުރާ އެކި އާދަކާދަތަކާއި އެހެނިހެން މައްސަލަތަކުގެ ސަބަބުން ކަމަށްވެ އެވެ.

110 މިލިއަން މީހުން އުޅޭ އިތިއޯޕިއާގައި މުސްލިމުންގެ އާބާދީއަކީ ތިންބައި ކުޅަ އެއްބައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
67%
33%
0%
0%
ކޮމެންޓް