އިންތިޚާބީ ދާއިރާތައް ކަނޑައެޅުމާ ބެހޭ ވަގުތީ ރިޕޯޓަށް މިހާތަނަށް 9 ޝަކުވާއެއް ލިބިފައިވޭ: އަކްރަމް
22 ޑިސެމްބަރު 2019 | އާދީއްތަ 04:21ޝަކުވާ ހުށަހެޅުމުގެ ފުރުސަތު ހުޅުވާލާފައިވަނީ ހޯމަ ދުވަހާއި ހަމައަށް
އިލެކްޝަންސް މިކިޝަންގެ މެންބަރުން
އިންތިޚާބީ ދާއިރާތައް ކަނޑައެޅުމާ ބެހޭ ވަގުތީ ރިޕޯޓަށް ޝަކުވާ ހުށަހެޅުމަށް އިލެކްޝަންސް ކޮމިޝަނުން ހުޅުވާލި ފުރުޞަތުގައި މިހާތަނަށް 9 ޝަކުވާ އެއް ހުށަހަޅާފައިވާ ކަމަށް އެކޮމިޝަނުން ބުނެފިއެވެ.
ހޮނިހިރު ދުވަހުގެ ރޭ ރާއްޖެ ޓީވީގެ "ފަލަ ސުރުޚީ" ޕްރޮގުރާމުގައި ވާހަކަ ދައްކަވަމުން އީސީގެ ނައިބު ރައީސް އަޙްމަދު އަކްރަމް ވިދާޅުވީ ލޯކަލް ކައުންސިލުތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ އިންތިޚާބު 2020 އިންތިޚާބީ ދާއިރާތައް ކަނޑައެޅުމާ ބެހޭ ވަގުތީ ރިޕޯޓަށް ޝަކުވާ ހުށަހެޅުމުގެ ފުރުޞަތު މިދިޔަ ހުކުރު ދުވަހު ހުޅުވާލާފައިވާއިރު މިހާތަށް ނުވަ ޝަކުވާ އެއް ލިބިފައިވާ ކަމަށާއި އެ ޝަކުވާތައް ހުށަހަޅާފައިވަނީ އައްޑޫ ސިޓީ އާއި އައްޑޫ ސިޓީގެ ދާއިރާތައް ބެހުމާއި ގުޅޭގޮތުން ލިބިފައިވާ ޝަކުވާ ތަކެއް ކަމަށެވެ.
ޚާއްސަ ގޮތެއްގައި އެ ޝަކުވާތަކުގެ ތެރޭގައި ގިނައީ އަންހެނުންގެ ގޮނޑި ކަނޑައެޅުމާއި ގުޅޭ ގޮތުން ލިބިފައި ހުރި ޝަކުވާތައް ކަމަށް އަކްރަމް ވިދާޅުވިއެވެ.
އަކްރަމް ވިދާޅުވީ އީސީއަށް ހުށަހެޅޭ ޝަކުވާތައް ބާކީ ނުކޮށް އެ ޝަކުވާތަކާއި ގުޅޭ ގޮތުން މަޝްވަރާ ކުރައްވާނެ ކަމަށެވެ.
ވީހާވެސް ގިނަ ރައްޔިތުން ޝަކުވާއެއް އޮތް ނަމަ އެ ޝަކުވާއެއް ފޮނުވަމުން ގެންދެވުމަށް އީސީން ވަނީ އެދިފައެވެ.
އީސީން ބުނީ ޝަކުވާ ބަލައިގަތުމަށް ހަމަޖެހިފައިވަނީ ސިޓީ މެދުވެރިކޮށް އިންތިޚާބާ ބެހޭ މަރުކަޒު (ބައު ޖަމާލުއްދީން) އިން ކަމަށެވެ. އަދި އަދި ކޮމިޝަނުގެ އީ-މެއިލް މެދުވެރިކޮށް (info@elections.gov.mv) ވެސް ޝަކުވާ ހުށަހެޅޭނެ ކަމަށެވެ. މި ކަމަށްޓަކައި ސަރުކާރު ބަންދު ދުވަސް ތަކުގައި ވެސް އޮފީސް ހުޅުވިފައި ހުންނާނެ ކަމަށް އީސީން މަޢުލޫމާތު ދެއެވެ.
ލޯކަލް ކައުންސިލުތަކުގެ އިންތިޚާބު ބޭއްވުމުގެ ތައްޔާރީތައް އިލެކްޝަންސް ކޮމިޝަނުން ވަމުންދާއިރު، އިންތިޚާބު ބޭއްވޭނެ ކަމަށް އިލެކްޝަންސް ކޮމިޝަނުން ބުނެފައިވަނީ އަންނަ އޭޕްރީލް މަހުގެ ހަތަރު ވަނަ ދުވަހުއެވެ.
