އިންޑިއާ މުޒާހަރާގައި 6 މަރު
21 ޑިސެމްބަރު 2019 | ހޮނިހިރު 04:22ބިޖްނޯރުގައި ކުރެވުނު މުޒާހަރާގައި ދެ މީހަކު މަރުވެފައިވޭ
އިންޑިއާގެ މުޒާހަރާ
އިންޑިއާގެ ރަށްވެހިކަމުގެ ޤާނޫނަށް ގެނައި ބަދަލާއެކު އެޤައުމުގެ އެކި ހިސާބުތަކުގައި ކުރަމުންދާ މުޒާހަރާގައި އެޤައުމުގެ އުއްތަރު ޕްރަދޭޝް ސްޓޭޓުގައި 6 މީހަކު މަރުވެފއިވާ ކަމަށް އިންޑިއާ ފުލުހުން ބުނެފިއެވެ.
އުއްތަރު ޕްރަދޭޝް ފުލުހުންގެ ތަރުޖަމާން ޝްރިޝް ޗާންދާއި ޙަވާލާދީ އަލްޖަޒީރާގައި ބުނެފައިވަނީ ހުކުރު ދުވަހު ބިޖްނޯރުގައި ކުރި މުޒާހަރާގައި ދެ މީހަކު މަރުވެފައިވާކަމަށެވެ. އަދި ބާކީ މީހުން މަރުވެފައިވަނީ މީރުތު، ކާންޕޫރު، ސަމްބާލް އަދި ފީރޯޒްއާބާދުގައި ކަމަށްވެސް ވެއެވެ. ޗާންދު ވިދާޅުވެފައިވަނީ ޕޯސްޓްމޯޓަމް ރިޕޯޓް ލިބުމުން އެމީހުން މަރުވި ސަބަބު އެނގިގެންދާނެ ކަމަށެވެ.
މި މަހުގެ ހަތަރުވަނަ ދުވަހު އިންޑިއާގެ ޤާނޫނު ހަދާ މަޖިލީހުން ފާސްކުރި ސިޓިޒަން އެމެންޑްމެންޓް ބިލު ނުވަތަ ރަށްވެހިކަމުގެ ޤާނޫނާއެކު އިންޑިއާގައި ދިރިއުޅެމުން އަންނަ 200 މިލިއަނެއްހާ މުސްލިމުންނަކީ އަމިއްލަ ޤައުމުގައި ޤަވާއިދާ ޚިލާފަށް އެތެރެވެފައިވާ ބައެއް ކަމަށް ވުމުގެ ބިރު ވަނީ ހީވާން ފަށާފައެވެ.
މި ބިލުގެ ދަށުން ވަކި ގޮތްތަކެއް ކަނޑައަޅާފައިވަނީ މުސްލިމުންނަށް އެކަންޏެވެ. އިންޑިއާގެ ސަރުކާރުން މިކަން ސާފުކޮށްދިނުމުގެ ގޮތުން ބުނެފައިވަނީ މުސްލިމުން މެޖޯރިޓީ އޮންނަ ޕާކިސްތާނާއި، ބަންގުލަދޭޝާއި، އަފްޣާނިސްތާނުގައި އެހެން ދީންތަކުގެ މީހުންނަށް ދީނީ ގޮތުން ދުއްތުރާތައް ކުރިމަތިވަމުންދާ ކަމަށެވެ.މި ބިލާއެކު އިންޑިއާގެ މުސްލިމުން ވަނީ ޤަވާއިދާ ޚިލާފަށް އުޅޭ ބަޔަކަށް އަދި ޣއިރު މުސްލިމުންނަކީ ދީނީ އެކިއެކި ސަބަބުތަކާ ހެދި ހިޖުރަކޮށްފައިވާ ބައެއްގެ ގޮތުގައި ލޭބަލް ވެފައެވެ.
