އަމިއްލަ ޚަރަދުގައި ސްޕެޝަލައިޒް ވާން ބޭނުުންވާ ޑޮކްޓަރުންނަށް ހަޔަރ އެޑިއުކޭޝަން މިނިސްޓްރީ މެދުވެރިކޮށް ޕްލޭސްމަންޓްގެ ފުރުސަތަށް އެދުމަށް ހުޅުވާލާލައިފިއެވެ.

ހަޔަރ އެޑިޔުކޭޝަނުން ބުނީ ނޭޕާލްގައި އަމިއްލަ ޚަރަދުގައި އެމްޑީ ރޭޑިއޯޑައިގްނޯސިސް، އެމްޑީ އެނެސްތެސިއޮލޮޖީ، އެމްޑީ ޑާރމަޓޮލޮޖީ، އެމްޑީ އޮބްސްޓެޓްރިކްސް އެންޑް ގައިނޮކޮލޮޖީ، އެމްޑީ ޕީޑިއެޓްރިކްސް، އެމްޑީ އިންޓަރނަލް މެޑިސިން، އެމްޑީ އިން ސައިކިއެޓްރީ، އެމްޑީ އިން އޮފްތަލްމޮލޮޖީ އަދި އެމްއެސް އޯރތޮޕައެޑިކްސް އެންޑް ޓްރައުމާ ސަރޖަރީގެ ދާއިރާއިން ސްޕެޝަލައިޒްވުމުގެ ފުރުސަތު ހުޅުވާލާފައިވާ ކަމަށެވެ.

ހަޔަރ އެޑިޔުކޭޝަނުން ބުނީ އެމްޑީ އަދި އެމްއެސްގެ ޝަރުތުގެ ތެރޭގައި އެމްބީބީއެސް ހާސިލުކުރައްވައި އިންޓަރންޝިޕް ފުރިހަމަކުރައްވާފައިވުމާއި، އެމްބީބީއެސް ފުރިހަމަކުރެއްވުމަށްފަހު މޯލްޑިވްސް މެޑިކަލް އެންޑް ޑެންޓަލް ކައުންސިލްގައި ރަޖިސްޓްރީވެލައްވާފައިވުމާއި، އެމްބީބީއެސް ޑިގްރީ ހާސިލްކޮށް އިންޓަރންޝިޕް ފުރިހަމަކުރެއްވުމަށްފަހު 25 ޑިސެމްބަރ 2019 ގެ ނިޔަލަށް މަދުވެގެން 6 މަސް ދުވަހުގެ ތަޖުރިބާ ލިބިފައިވުން ހިމެނޭ ކަމަށެވެ.

މީގެ އިތުރުން ހަޔަރ އެޑިޔުކޭޝަނުން ބުނީ ކޯހަކަށް އެދިހުށަހެޅުމަށްފަހު މަދުވެގެން 6 މަސްދުވަސް ވަންދެން މި މިނިސްޓްރީން ގުޅަން ބޭނުންވެއްޖެ ހިނދެއްގައި ގުޅޭނެގޮތް ހަމަޖައްސަވާފައި އޮންނަންޖެހޭ ކަމަށާއި، ކޯހަށް ނޮމިނޭޓްވެއްޖެކަން މި މިނިސްޓްރީން އަންގާތާ 24 ގަޑިއިރު ފަހުން ކޯސް ދޫކޮށްލައިފިނަމަ، ބްލެކްލިސްޓް ކުރެވޭނެ ކަމަށެވެ.

ހަޔަރ އެޑިޔުކޭޝަނުން ބުނީ 25 ޑިސެންބަރު 2019 ވާ ބުދަ ދުވަހު މެންދުރު 12:30 ކުރިން އެޕްލިކޭޝަން ހުށަހަޅާންޖެހޭ ކަމަށާއި، އެޕްލިކޭޝަން ހުށަހަޅާނީ މައިއެޑިޔު ޕޯޓަލް މެދުވެރިކޮށް ކަމަށެވެ.

''މައިއެޑިޔު" ޕޯޓަލް މެދުވެރިކޮށް އޮންލައިން އެޕްލިކޭޝަން ހުށަހަޅާ ކެންޑިޑޭޓުންގެ ތެރެއިން ނޮމިނޭޓްވާ ކެންޑިޑޭޓުން އޮންލައިން އެޕްލިކޭޝަންއާއިއެކު ހުށަހެޅި ލިޔުންތަކުގެ އަސްލު ނުވަތަ އެޓެސްޓެޑް އަސްލު ހުށަހަޅަން މިނިސްޓްރީން ފަހުން ދެންނެވުމުން އަވަހަށް ފޮނުއްވެވޭގޮތަށް ތައްޔާރު ކޮށްފައިކޮށްފައި ބެހެއްޓުމަށް އިލްތިމާސްކުރާ ކަމަށެވެ.

އެޕްލިކޭޝަންތަކުގެ ނަތީޖާ ލިސްޓު، މިނިސްޓްރީގެ ވެބްސައިޓަށް އަޕްލޯޑް ކުރެވޭނެ ކަމަށް ހަޔަރ އެޑިޔުކޭޝަނުން މައުލޫމާތުދެއެވެ. މިނިސްޓްރީން މި ފުރުސަތުތައް ފަހިކޮށްދީފައިވަނީ، ޕްލޭސްމަންޓް