ޖެލީ އިން 50،000 ރުފިޔާ ލިބޭ ހާއްސަ ޕްރޮމޯޝަނެއް!

ޖެލީ އިން 50،000 ރުފިޔާ ލިބޭ ހާއްސަ ޕްރޮމޯޝަނެއް ފަށައިގެން ކުރިއަށް އެބަ ގެންދެއެވެ.

މި ޕްރޮމޯޝަން ކުރިއަށްދާނީ ޖެނުއަރީ މަހުގެ 12 ވަނަ ދުވަހާއި ހަމައަށެވެ.

މި ޕްރޮމޯޝަންގެ ދަށުން ގުުރުއަތުން ހޮވޭ އެއް ފަރާތަށް 50،000 ރުފިޔާ ލިބިގެންދާއިރު ޖެލީ އިން ޕިއްޒާއެއް އޯޑަރު ކޮށްގެން ޕްރޮމޯޝަނުގައި ބައިވެރިވެވޭނެއެވެ.

ރާއްޖެއެމްވީއަށް މައުލޫމާތު ދެމުން ޖެލީގެ މަރކެޓިންގ މެނޭޖަރ އައިމިނަތު ތާނިޝް އާދިލް ވިދާޅުވީ މި ޕްރޮމޯޝަނަކީ ސުކޫލު ބަންދާއި ދިމާކޮށް ކުރިއަށް ގެންދާ ޕްރޮމޯޝަނެއް ކަމަށާއި ޕްރޮމޯޝަންގައި ބައިވެރިވެވޭނީ ހަމައެކަނި ޓޭކްއަވޭ ކަސްޓަމަރުންނަށް އެކަނި ކަމަށެވެ. އެގޮތުން ޖެލީ ރެސްޓޯރެންޓް އަދި ޓޭކްއަވޭ އަަައުޓްލެޓްގައި ބެހެއްޓިފަައިވާ ފޮށިތަކަށް ބިލުގައި ނަމާާއި ފޯނު ނަންބަރު ޖެހުމަށްފަހު އެޅުމުން ގުުރުއަތުގައި ބައިވެރިވެވޭނެ ކަމަށް ތާނިޝް ވިދާޅުވިއެވެ.

މި ޕްރޮމޯޝަނުގެ ގުރުލުން އޮންނަނީ ޖެނުއަރީ 17 ވަނަ ދުވަހުގެ ރޭ 08:30 ކަމަށާއި ގުރުލުން ޖެލީގެ ފޭސްބުކް ޕޭޖު މެދުވެރިކޮށް ލައިވް ކުރާނެކަމަށް ޖެލީ އިން މަޢުލޫމާތުދެއެވެ.

މި ޕްރޮމޯޝަނަށް ޢާންމުންގެ ބޮޑު ތަރުހީބެއް ލިބެމުން އަންނަ ކަމަށް ޖެލީ އިން ބުނެއެވެ.

ޖެލީން މާލޭގެ ހަތަރު ތަނެއްގައި ޕިއްޒާ ވިއްކައެވެ. އަދި އެ ކުންފުނިން ދަނީ ހުޅުމާލޭގައި ވެސް ޕިއްޒާ އައުޓްލެޓެއް ހުޅުވަން މަސައްކަތް ކުރަމުންނެވެ.