ފަތުރުވެރިކަމަށް އަލަށް ދޫކުރާ 28 ރަށަކާއި ބިންތައް އިއުލާނުކޮށްފި

ފަތުރުވެރިކަމަށް އަލަށް ދޫކުރާ ރަށްތައް ޓޫރިޒަމް މިނިސްޓަރ އަލީ ވަޙީދު އިޢުލާނު ކުރައްވައިފިއެވެ.

ފަތުރުވެރިކަމަށް އަލަށް ދޫކުރާ ރަށްތައް އިޢުލާނު ކުރުމަށް "ބުރަބި" ނަމުގައި ޓޫރިޒަމް މިނިސްޓްރީން އަންގާރަ ދުވަހުގެރޭ ބޭއްވި ރަސްމިއްޔާތުގައި ވާހަކަދައްކަވަމުން މިނިސްޓަރ ވިދާޅުވީ، ޓޫރިޒަމަށް އަލަށް ދޫކުރާ ރަށްތައް ކަނޑައަޅާފައިވާނީ ރައްޔިތުންނަށް އެންމެ ފައިދާހުރި ގޮތް ބެލުމަށްފަހުގައި ކަމަށާއި، ކަމާގުޅޭ ފަރާތްތަކުގެ ލަފައާއި މަޝްވަރާވެސް ހޯދުމަށްފަހު ކަމަށެވެ.

އެގޮތުން ރައްޔިތުންގެ މަޖިލިސް މެމްބަރުންނާއި، ރަށު ކައުންސިލްތަކުގެ އިތުރުން ކަމާގުޅޭ މިނިސްޓްރީތަކުގެ ޚިޔާލުވެސް ހޯއްދަވާފައިވާނެ ކަމަށް މިނިސްޓަރ ވިދާޅުވިއެވެ.

ފަތުރުވެރިކަމަށް އަލަށް ދޫކުރާ ބިންތައް:

ފަތުރުވެރިކަމަށް އަލަށް ދޫކުރާ ރަށްތައް:

މި ރަށްތައް ތަރައްޤީ ކުރާނީ ޖަޒީރާވަންތަ ސިފަ ނުގެއްލޭ ގޮތަށް ކަމަށާއި، މި ރަށްތައް ތަރައްޤީ ކުރުމުން މި ރަށްތަކާއި ބިންތަކާއެކު 13،720 އެނދާއި، 18،772 ވަޒީފާ އިތުރުވެގެންދާނެކަމަށް މިނިސްޓަރ ވިދާޅުވިއެވެ.

މިނިސްޓަރ އިތުރަށް ވިދާޅުވީ، ޑިސެމްބަރު މަހުގެ 15 ވަނަ ދުވަހު ރާއްޖެއަށް 1.6 މިލިއަން ވަނަ ފަތުރުވެރިޔާ ޒިޔާރަތް ކޮށްފައިވާ ކަމަށާއި، އައު ސަރުކާރަށް 1 އަހަރުވީއިރު ފަތުރުވެރިކަމުގެ ދާއިރާއިން ބޮޑެތި ކުރިއެރުންތަކެއް ހޯދިފައިވާ ކަމަށެވެ.