ރާއްޖޭގައި ބާއްވާ އެންމެ ބޮޑު ނައިޓް މާކެޓް މާދަމާ!

ރާއްޖޭގައި ބޭއްވޭ އެންމެ ބޮޑު ނައިޓް މާކެޓް އަންގާރަ ދުވަހު ފަށަން ހަމަޖެހިއްޖެއެވެ.

ލިކަމެކް ޕްރައިވެޓް ލިމިޓެޑް އިން އިންތިޒާމް ކޮށްގެން މިމަހުގެ 17 އިންް 23 އަށް ހުޅުމާލެގައި ބޮޑު ނައިޓްމާކެޓް އެއް ބޭއްވުމަށް ދަނީ އެންމެ ފަހުގެ ތައްޔާރީތައް ދަނީ ވަމުންނެވެ. މިނައިޓް މާކެޓް އަކީ ހުޅުމާލޭގައި ބޭއްވޭ އެންމެ ބޮޑު އަދި އެންމެ ފުރިހަމަ ނައިޓް މާކެޓް އެވެ.

މިނައިޓް މާކެޓް ފެށުމަށް ހަމަޖެހިފައިވަނީ 17 ވަނަ ދުވަހުގެ ހަވީރު 4:00 އިން ރޭގަނޑު 11:00 އަށެވެ. މިފަހަރުގެ ނައިޓް މާކެޓްގައި އެންމެ ފާހަގަ ކޮށްލެވޭ އެއްކަމަކީ ގުރުއަތުން ހޮވޭ 2 ނަސީބުވެރިޔަކަށް އުމްރާ ދަތުރެއް ލިބުމެވެ. އެގޮތުން ސްޓޯލް ނަގާފައިވާ ފަރާތްތަކުގެ މެދުގައި ނަސީބުވެރިޔަކު ހޮވިގެންދާއިރު މާކެޓް އަށް ޒިޔާރަތް ކުރާ ފަރާތްތަކުގެ މެދުގައި ވެސްް ނަސީބުވެރިޔަކު ހޮވިގެންދާނެއެވެ.

މި ނައިޓް މާކެޓް ޑިސެމްބަރު މަހުގެ 23 ވަނަ ދުވަހާއި ހަމައަށް ކޮންމެ ދުވަހަކުވެސް، 4:00 އިން ރޭގަނޑު 11:00 އަށް އޮންނާނެ ކަމަށް ލިކަމެކުން ވަނީ މައުލޫމާތު ދީފައެވެ.