"ޔޭ ހޭ މޮހައްބަތޭން" ގެ ތަރި ރަމަން އަށް ދަރިއަކު ލިބިއްޖެ
15 ޑިސެމްބަރު 2019 | އާދީއްތަ 04:12ކަރަން އަށް އަންހެން ދަރިއަކު ލިބުނުކަން އިއުލާން ކޮށްފައިވަނީ ހޮނިހިރު ދުވަހު
ކަރަން ޕަޓޭލް އާއި އަންހެނުން އަންކީތާ ބަރްގާވް
ސްޓާޕްލަސްއިން ދައްކަމުން އަންނަ އެންމެ ކާމިޔާބު އަދި އެންމެ ދުވަސްވީ އެއް ސީރީޒް ކަމަށްވާ "ޔޭ ހޭނ މުހައްބަތޭން" ގެ ލީޑް އެކްޓަރ ކަރަން ޕަޓޭލް ބައްޕައަކަށް ވެއްޖެއެވެ.
ކަރަން އާއި އޭނާގެ އަންހެނުން އެކްޓަރ އަންކީތާ ބަރްގާވްއަށް އަންހެން ދަރިއަކު ލިބުނުކަން އިއުލާން ކޮށްފައިވަނީ ހޮނިހިރު ދުވަހު އެވެ.
ދެމައިންގެ ހާލު ރަނގަޅު ކަމަށާއި ހެޔޮ ދުޢާކޮށްދިން އެންމެންނަށް ކަރަން ޝުކުރު އަދާކުރާ ކަމަށް ކަރަން ވަނީ ބުނެފައެވެ.
މިދިޔަ އަހަރުގެ ޖޫން މަހުވެސް ކަރަންގެ އަންހެނުން މާބަނޑުވި ނަމަވެސް ފަހުން ވަނީ ބައިގެން ގޮސްފައެވެ. ކަރަންގެ ސްޕޯކްސްޕާރަސަން ވަނީ އެދުވަސް ތަކަކީ ދެމީހުންނަށް ވެސް އުނދަގޫ ގުވަސްތަކެއް ކަމަށާއި އެކަމުން އަރައިގަންނަން ދުވަސްކޮޅެއް ވާނެ ކަމަށް ބުނެފައެވެ. އަދި އެދެމީހުންނަށް ޕްރައިވެސީ ދިނުމަށް ފޭނުންގެ ކިބައިން އޭނާ ވަނީ އެދިފައެވެ.
ފުރަތަމަ ކުއްޖާ ބައިގެން ދިއުމުގެ ކުރިން ކަރަން ވަނީ ބޮމްބޭ ޓައިމްސް އަށް ދިން އިންޓަވިއުއެއްގައި އޭނާ ބައްޕައަކަށް ވާތީ އެކަމާއި ވަރަށް ބޮޑަށް އެކްސައިޓް ވެފައި ހުރި ކަމަށް ބުނެފައެވެ.
ޔޭހޭ މޮހައްބަތޭންގައި ރަމަންގެ ރޯލުން ފެނިގެންދާ ކަރަން އަންކީތާ އާއި ކައިވެނި ކޮށްފައިވަނީ 2015 ވަނަ އަހަރުއެވެ.
