އޯޓިސްޓިކް ކުދިންނަށް އެހީވުމުގެ ގޮތުން ޖަޕާނު ސަރުކާރުގެ ހިލޭ އެހީ
13 ޑިސެމްބަރު 2019 | ހުކުރު 07:43ތަމްރީން ޕްރޮގްރާމްތަކަށް އެހީތެރިކަން ފޯރުކޮށްދޭނެ
އެއްބަސްވުމުގައި ސޮއިކުރި ރަސްމިއްޔާތުގެ ތެރެއިން
ގްރާސް ރޫޓް ހިއުމަން ސެކިއުރިޓީ ޕްރޮޖެކްޓް ސްކީމްގެ ދަށުން ޖަޕާނު ސަރުކާރުން މޯލްޑިވްސް އޯޓިޒަމް އެސޯސިއޭޝަންއަށް 41،133 ޑޮލަރުގެ އެހީދީފިއެވެ.
މިފައިސާއާ ހަވާލުވުކުރުމުގެ އެއްބަސްވުމުގައި ސޮއިކުރެއްވީ ޖަޕާނުން ރާއްޖެއަށް ކަނޑައަޅާފައިވާ އެމްބެސަޑަރު މިސް ކެއިކޯ ޔަނާއީއެވެ. އަދި ފައިސާއާ ހަވާލުވިކަމުގެ އެއްބަވުމުގައި ސޮއިކުރެއްވީ އޯޓިޒަމް އެސޯޝިއަންގެ ޗީފް އެގްޒެކެޓިވް އޮފިސަރު ޑރ. އިސްމާއިލް ޝަފީގެވެ.
ރާއްޖޭގައި ހުންނަ ޖަޕާނު އެމްބަސީން ބުނީ ދަ ޕްރޮޖެކްޓް ފޯރ ޕްރޮވިޝަން އޮފް ވިޝަން އެންޑް ހިޔަރިން ސްކްރީނިންގ ޕްރޮޖެކްޓް ކުރިއަށް ގެންދާނީ ޖަޕާނު ސަރުކާރު މިއެހީއާއެކު މޯލްޑިވްސް އެސޯޝިއޭޝަނުން ކަމަށެވެ. މިއެހީގެ ދަށުން ވަން ވިޝުއަލް ސްކްރީނިންއާ، އަދި ހިއަރިންގ ސްކްރީނިންއާ އޭގެ އިތުރުން ތަމްރީން ޕްރޮގްރާމްތަކަށް އެހީތެރިކަން ފޯރުކޮށްދެވިދާނެއެވެ.
ޖަޕާނު އެމްބަސީން ފޯރުކޮށްދޭ އިކުއިޕްމެންޓްގެ އެހީގައި ފެނުމާއި، އަޑުއެހުމުގެ ޓެސްޓްތައް ހަދާ ހުރި މައްސަލަތައް ދެނެގަނެވި، ފަރުވާ ހޯދުމަށް ފަސޭހަވާނެއެވެ. އަދި މިއިކުއިޕްމެންޓްގެ އެހީގައި 06 މަހުގެ ތުއްތު ކުދިން ޓެސްޓްކުރުމުގެ ގާބިލްކަން ލިބެއެވެ.
ގްރާސް ރޫޓް ހިއުމަން ސެކިއުރިޓީ ޕްރޮޖެކްޓްއަކީ 1996 އަހަރުން ފެށިގެން ޖަޕާނުން ރާއްޖެ ކުރިއެރުމަށް ކުރިއަށްގެންދާ ޚާއްސަ ޕްރޮޖެކްޓްތަކެވެ. މިޕްރޮޖެކްޓްގެ ދަށުން، ތައުލީމީ، ތިމާވެށި، ސިއްހީ، ދަތުރުފަތުރު އަދި ހަކަތައިގެ ދާއިރާއިން އެހީތެރިކަން ވަނީ ފޯރުކޮށްދީފައެވެ. އެގޮތުން މިހާތަނަށް 1.6 މިލިއަންއަށްވުރެ ޑޮލަރުގެ ޕްރޮޖެކްޓްތައް އެކި ދާއިރާއިން ހިންގާފައިވާއިރު، މިހާތަނަށް 16 ޕްރޮޖެކްޓްތައް ވަނީ ހިންގާފައެވެ.
