މޫސުން: ދެކުނުގެ އަތޮޅުތަކަށް ވިއްސާރަކުރާނެ، އެހެން ހިސާބުތަކަށް ރަނގަޅުވާނެ
13 ޑިސެމްބަރު 2019 | ހުކުރު 08:12ދެކުނު އަތޮޅުތަކަށް މޫސުން ގޯސް
މޫސުން
ދެކުނުގެ އަތޮޅުތަކަށް މޫސުން ގޯސްވާނެކަމަށާއި ރާއްޖޭގެ އެހެން ހިސާބުތަކަށް މޫސުން ރަނގަޅުވާނެކަމަށް މޫސުމާއި ބެހޭ ގައުމީ އިދާރާއިން ބުނެފިއެވެ.
ކުރިޔަށް އޮތް 24 ގަޑިއިރުގެ މޫސުން ކުރިޔަށް ލަފާކުރާގޮތަށް ބަލާއިރު، މެދުތެރެއާއި ދެކުނުގެ އެކިހިސާބަށް ވިއްސާރަކުރުމާއެކު ގުގުރާނެކަމަށާއި ދެކުނުގެ ބައެއް ރަށްތަކަށް ބޯކޮށް ވާރޭވެހުން އެކަށީގެންވާކަމަށް މުސުމާއި ބެހޭ އިދާރާއިން ވަނީ ބުނެފައެވެ. މީގެއިތުރުން އުތުރުގެ ބައެއް ރަށްތަކަށް ކެރީގެއަސަރު ފޯރާނެކަމަށް ލަފާކުރެވޭކަމަށް އެ އިދާރާއިން ވަނީ ބުނެފައެވެ.
ރާއްޖެއަށް ކުރަމުންދާ ވިއްސާރައިގެ މައިގަނޑު ސަބަބެއްގެ ގޮތުގައި މޫސުމާއި ބެހޭ ގައުމީ އިދާރާއިން ފާހަގަކޮށްފައިވަނީ ރާއްޖެ ސަރަހައްދުގައި އުފެދިފާ ލޯ ޕްރެޝަރ ޓްރަފްއެކެވެ. ރާއްޖެޓީވީގެ ފަށާއިރު ޕްރޮގުރާމްއަށް މައުލޫމާތު ދެއްވަމުން މެޓް އޮފީހުގެ މީޓިރިއޮލިޖިސްޓް އަހުމަދު ނަސޫހު ވިދާޅުވީ، ދެކުނު އަތޮޅުތަކުގައި އަދިވެސް ބޯ ވިލާތަށް އުފެދެމުން އަންކަން ފާހަގަކުރެވުމުން ދާކަމަށާއި އަވަށްޓެރި ގައުމުތަކުގައިވެސް މޫސުން އާދައިގެ މަތިން ރަނގަޅުކަމަށެވެ. ނަސޫހް ވަނީ ދެކުނު ދަތުރުފަތުރު ކުރާ ފަރާތްތަކުން މޫސުމަށް ސަމާލުކަމެއް ދިނުމަށް އިލްތިމާސްކުރައްވާފައެވެ.
ހުކުރު ދުވަހު ހެނދުނު މެތް އޮފީހުން ވަނީ ލ އަތޮޅުން އައްޑޫ ސިޓީއަށް ބޯކޮށް ވާރޭވެހުމާއިއެކު ގުގުރާނެކަމަށް ލަފާކޮށް ހެނދުނު 9:20 އިން މެންދުރު ފަހު 13:00 ވައިޓް އެލާރޓް ނެރެފައެވެ،
ވައިޖެހޭނީ އެންމެ ދެކުނުގެ އަތޮޅުތަކަށް ހުޅަނގުއުތުރާއި ހުޅަނގުން، އެހެން ހިސާބުތަކަށް އިރުއުތުރާއި އިރުން، ގަޑިއަކު 06 މޭލާއި 16 މޭލާ ދެމެދުގެ ބާރުމިނުގައިކަމަށާއި ވިލާގަނޑުގައި ގަޑިއަކު ގާތްގަނޑަކަށް 35 މޭލުގެ ބާރުމިނަށް ވައިގަދަވުން އެކަށީގެންވާކަމަށް އެ އިދާރާއިން މައުލޫމާތު ދެއެވެ. ކަނޑުތައް އާދައިގެ ވަރަކަށް މަޑު ވެފައި ވިލާގަނޑުގައި އާދައިގެ ވަރަކަށް ގަދަ ވާނެކަމަށް މެޓް އޮފީހުން ބުނެއެވެ.
