މޫސުން ގޯސްވުމުގެ ސަބަބުން މެދުރާއްޖެތެރެއަށް ޔެލޯ އެލަރޓް ނެރެފި
11 ޑިސެމްބަރު 2019 | ބުދަ 04:27ޔެލޯ އެލާރޓް ނެރެފައިވަނީ ބުދަ ދުވަހު ހެނދުނު 7:30 އިން 11:30 އަށް
މާޅޭގެ މަގުމަތީގައި ފެންބޮޑުވެފައި
މޫސުން ގޯސްވުމުގެ ސަބަބުން މެދުރާއްޖެ ތެރެއަށް މޯލްޑިވްސް މީޓިއޮރޮލޮޖިކަލް ސަރވިސް އިން ޔެލޯ އެލަރޓް ނެރެފިއެވެ.
މެޓް އޮފީހުން ބުދަ ދުވަހު ޔެލޯ އެލަރޓް ނެރެފައިވަނީ ކ. އަތޮޅުން ފެށިގެން ދ އަތޮޅުގެ ރަށްތަކަށެވެ. މި އަތޮޅުތަކަށް ޔެލޯ އެލަރޓް ނެރެފައިވަނީ ބުދަ ދުވަހު ހެނދުނު 7:30 އިން 11:30 އަށެވެ.
ރާއްޖެ އެމްވީއަށް މަޢުލޫމާތު ދެމުން މެޓް އޮފީހުން ބުނީ ކ. އަތޮޅުން ފެށިގެން ލ. އަތޮޅުގެ ރަށްތަކަށް ކުރިއަށް އޮތް 24 ގަޑިއިރު ބޯކޮށް ވާރޭ ވެހޭނެ ކަމަށާއި އެޞަރަޙައްދުގެ ކަނޑުތައް އާދައިގެ ވަރަކަށް ގަދަވާނެ ކަމަށެވެ. އުތުރާއި މެދުތެރޭގެ އަތޮޅުތަކަށް ގަޑިއަކު 13 މޭލާއި 23 މޭލާއި ދެމެދުގެ ބާރު މިނުގައި ވައިޖެހޭނެ ކަމަށާއި ވިލާގަނޑުގައި 40 މޭލަށް ވައިގަދަވާނެ ކަމަށް ލަފާ ކުރެވޭ ކަމަށެވެ.
ދެކުނުގެ އަތޮޅުތަކަށް 5 މޭލާއި 15 މޭލައި ދެމެދުގައި ވައި ޖެހޭނެ ކަމަށާއި ދެކުނުގެ އަތޮޅު ތަކުގެ ކަނޑުތައް އާދައިގެ ވަރަކަށް މަޑުވާނެ ކަމަށް މެޓް އޮފީހުން މަޢުލޫމާތު ދެއެވެ.
