ހިތާނަ ކުރި ކުއްޖެއްގެ ކުރިމަތި ފަރާތް ފިހުނު މައްސަލަ ބަލަން ފަށައިފި
10 ޑިސެމްބަރު 2019 | އަންގާރަ 14:32މި މައްސަލަ ދިމާވެފައިވަނީ 5 އަހަރުގެ ކުއްޖަކަށް
ހުޅުމާލެ ހޮސްޕިޓަލް
ހުޅުމާލޭ ހޮސްޕިޓަލުން ހިތާނަކުރި ކުއްޖެއްގެ ކުރިމަތި ފަރާތް ފިހުނު މައްސަލަ އެ ހޮސްޕިޓަލުން ބަލަން ފަށައިފިއެވެ.
އެކަމާއި ގުުޅިގެން ހުޅުމާލެ ހޮސްޕިޓަލުގެ ޑެޕިއުޓީ ސީއީއޯ މާރިޔާ ސައީދު ވިދާޅުވީ، އެފަދަ ހާދިސާއެއް ހޮސްޕިޓަލްގައި ހިނގާފައިވާކަމަށާއި ކުއްޖާގެ ބެލެނެވެރިންނަށް ގުުޅައި ހާލަތު އޮޅުން ފިލުވުމުގެ އިތުރުން އެކަމަށް މައާފަށް އެދިފައިވާނެކަމަށެވެ. މާރިޔާ ވިދާޅުވީ، އެ މައްސަލައާއި ގުޅޭ ގޮތުން އެކަމުގައި ޝާމިލްވި މުވައްޒަފުންގެ ބަޔާންނަގައި އެކަން ހިނގި ގޮތް ތަހުގީގުކުރަމުންދާކަމަށެވެ.
މައުލޫމާތު ލިބިފައިވާ ގޮތުގައި، މި މައްސަލަ ދިމާވެފައިވަނީ އުމުރުން އެންމެ 5 އަހަރުގެ ކުއްޖަކަށެވެ. ބައެއް މީޑިއާތަކުން ރިޕޯޓުކުރާ ގޮތުގައި އެ ކުއްޖާއަށް މައްސަލަ ކުރިމަތިވީ ގެއަށް ދޫކޮށްލި ފަހުންކަމަށާއި ކުރިމަތިފަރާތުން ލޭ އަންނާތީ ޑޮކްޓަރަށް ދެއްކައި ދިން ބޭހަކުންކަމަށެވެ.
މާރިޔާ ވިދާޅުވީ އެއީ އެއްވެސް ހާލެއްގައި ހިނގައިގެން ވާނެފަދަ ކަމެއް ނޫންކަމަށެވެ.
