ގިރިފުށީގައި ކުރިއަށްދާ 21 ވަނަ ގައުމީ ކެޑޭޓް ކޭންޕަށް ރައީސް ސޯލިހު ޒިޔާރަތްކުރައްވައިފި
6 ޑިސެމްބަރު 2019 | ހުކުރު 06:18ކޭންޕު ކުރިއަށްދާގޮތް ބައްލަވާލެއްވި
ރައީސް ސޯލިހު ގައުމީ ކެޑޭޓް ކޭންޕަށް ކުރެއްވި ޒިޔާރާތުގެ ތެރެއިން
ގައުމީ ކެޑޭޓް ކޯގެ ސުޕްރީމް ކޮމާންޑަރ، ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު ގިރިފުށީގައި ކުރިއަށްދާ 21 ވަނަ ގައުމީ ކެޑޭޓް ކޭންޕަށް ޒިޔާރަތްކުރައްވައިފިއެވެ.
ބުރާސްފަތި ދުވަހު ރައީސުލްޖުމްހޫރިއްޔާ ކުރެއްވި މިޒިޔާރަތުގައި ކޭންޕު ކުރިއަށްދާގޮތް ބައްލަވާލައްވައި، ކޭންޕުގެ ތެރެއިން ކެޑޭޓުންނަށް އަމާޒުކޮށްގެން ކުރިޔަށްގެންދާ ބައެއް ކްލާސްތައް ކުރިޔަށްދާގޮތް ވެސް ބައްލަވާލެއްވިއެވެ.
މިއަހަރުގެ ގައުމީ ކެޑޭޓް ކޭންޕު ކުރިއަށް ދަނީ މިމަހުގެ 1 އިން 12 އަށް އެމްއެންޑީއެފްގެ ގިރިފުށީ ޓްރެއިނިންގ ސެންޓަރުގައެވެ.
މިކޭންޕުގައި 32 ސްކޫލަކުން 118 ދަރިވަރުން ބައިވެރިވެއެވެ. މީގެ އިތުރުން، އިންޓަނޭޝަނަލް ކެޑޭޓް އެކްސްޗޭޖް ޕްރޮގްރާމްގެ ދަށުން މި އަހަރުގެ ކޭންޕުގައި ހަތަރު ގައުމަކުން 16 ކެޑޭޓުންނާއި ހަތަރު އޮފިސަރުން ބައިވެރިވެއެވެ.
އެ ގައުމުތަކަކީ، ބަންގްލަދޭޝް، އިންޑިއާ، ސްރީލަންކާ އަދި ނޭޕާލެވެ.
