އަލްބޭނިއާގެ ބިންހެލުމުގައި މަރުވި މީހުންގެ އަދަދު 51 އަށް!
1 ޑިސެމްބަރު 2019 | އާދީއްތަ 03:496.4 މެގްނިޓިއުޑްގެ ބިންހެލުމާއި ގުޅިގެން ވަނީ އޮޕަރޭޝަންއެއް ލޯންޗު ކުރެވިފައި
އަލްބޭނިއާގައި ކުރިޔަށް ދިޔަ ސަރޗް އެންޑް ރެސްކިއުގެ އޮޕަރޭޝަންގެ ތެރެއިން
ޔޫރަޕްްގެ ގައުމެއް ކަމަށްވާ އަލްބޭނިއާއަށް އައި ބިންހެލުމުގައި މަރުވި މީހުންގެ އަދަދު 51 އަށް އަރައިފިއެވެ.
އަލްބޭނިއާގެ ބޮޑުވަޒީރު ވިދާޅުވި ގޮތުގައި އެ ގައުމަށް އަންގާރަ ދުވަހު އައި 6.4 މެގްނިޓިއުޑްގެ ބިންހެލުމާއި ގުޅިގެން ވަނީ ހާއްސަ އޮޕަރޭޝަނެއް ލޯންޗު ކުރެވިފައެވެ.
މި ސާރޗް އެންޑް ރެސްކިއުގެ އޮޕަރޭޝަންގައި ބިންހެލުމުގައި މަރުވި މީހުންގެ އަދަދު 51 ކަމަށް ދައްކާއިރު 2,000 އަށް ވުރެ ގިނަ މީހުން ޒަހަމްވެފައިވެއެވެ. އަދި 4000 މީހުން ގެދޮރު ނެތި ހާލުގައި ޖެހިފައިވާއިރު 2500 މީހުން ވަނީ ވަގުތީ ބޯހިޔާވަހިކަމަށް ބަދަލު ކުރެވިފައެވެ.
އަލްބޭނިއާގެ ބޮޑު ވަޒީރު ވަނީ މިހާރަށް ވުރެ ވަރުގަދަ، ރަނގަޅު ފެންވަރުގެ ގެތަކެއް ބިނާ ކުރާނެ ކަމަށް ވައުދުވެވަޑައިގެންފައެވެ. ތަފާސްހިސާބުތަކުން ދައްކާގޮތުގައި ބިންހެލުމުގައި ވަނީ އަލްބާނިއާގެ ވެރިރަށް ޓިރާނާގައި އެކަނިވެސް 1465 އިމާރަތަކަށް ގެއްލުންވެފައެވެ.
