ކ. މާލެ
|
28 ނޮވެންބަރ 2019 | ބުރާސްފަތި 19:28
ދިވެހިރާއްޖޭގެ ސްޕްރިމް ކޯޓު
ދިވެހިރާއްޖޭގެ ސްޕްރިމް ކޯޓު
ފަނޑިޔާރުން
އުއްތަމަ ފަނޑިޔާރުގެ މަގާމަށް މުއުތަސިމް އައްޔަންކުރަން ލަފައަކަށް އެދިވަޑައިގެންފި
 
ސުޕްރީމް ކޯޓުގެ ފަޑިޔާރުކަމަށް ހުސްނުއްސުއޫދުގެނަންފުޅު ވަނީ ފޮނުވާފައި

އުއްތަމަފަނޑިޔާރުގެ މަޤާމަށް މ. ގުލްފާމްގެ އަޙްމަދު މުއުތަސިމް އަދްނާން ޢައްޔަންކުރުމާ ގުޅޭގޮތުން ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު، ޖުޑިޝަލް ސަރވިސް ކޮމިޝަން (ޖޭއެސްސީ)ގެ ލަފައަށް އެދިވަޑައިގެންފި އެވެ.

ބުރާސްފަތި ދުވަހު ރައީސް ޞާލިޙު ކުރެއްވި ޓްވީޓެއްގައި ވިދާޅުވީ އުއްތަމަފަނޑިޔާރުގެ މަގާމަށް މ. ގުލްފާމްގެ އަހްމަދު މުއުތަޞިމް އަދްނާން އަދި ސުޕްރީމް ކޯޓުގެ ފަޑިޔާރުކަމަށް ސ.މީދޫ ހަސަންކާރިގެ ހުސްނުއްސުއޫދާއި މ.ވޭސައިޑް އަބްދުއްރައޫފް އިބްރާހީމް އައްޔަންކުރުމާ ގުޅޭގޮތުން ޖުޑީޝަލް ސަރވިސް ކޮމިޝަންގެ މަޝްވަރާއަށް ފޮނުވާފައިވާ ކަމަށެވެ.

އުއްތަމަ ފަނޑިޔާރު ކަމަށް ނަން ފޮނުވާފައިވާ މުއުތަސިމް އަދުނާނަކީ މީގެކުރިން ސުޕްރީމް ކޯޓުގެ ފަނޑިޔާރުކަން ކުރައްވާފައިވާ ފަނޑިޔާރެކެވެ. މުއުތަސިމް ސުޕްރީމް ކޯޓުގެ ފަނޑިޔާރުކަމުން ވަކިކުރައްވާފައިވަނީ ސުޕްރީމް ކޯޓުގެ ހަތް ފަނޑިޔާރުންގެ ބެންޗު ފަސް ފަނޑިޔާރުންނަށް ތިރިކުރުމަށް ރައީސް ޔާމީނުގެ ސަރުކާރުން ޤާނޫނަށް ގެންނެވި އިޞްލާޙާ ގުޅިގެންނެވެ. އެ އިޞްލާޙާ ގުޅިގެން، އޭރުގެ އުއްތަމަ ފަނޑިޔާރު އަޙްމަދު ފާއިޒު ހުސައިން ވެސް ފަނޑިޔާރުކަމުން ވަނީ ވަކިކުރައްވާފަ އެވެ. އެ ދެ ފަނޑިޔާރުން މަޤާމުން ވަކިކުރެއްވިއިރު، އެ ދެ ފަނޑިޔާރުންނަށް ޖަވާބުދާރީ ވުމަށްވެސް ފުރުޞަތު ދެއްވާފައި ނުވާކަން ފާހަގަ ކުރެވެއެވެ.

ރައީސް ޞާލިޙު ސުޕްރީމް ކޯޓުގެ ފަނޑިޔާރު ކަމަށް ޢައްޔަން ކުރެއްވުމަށް ފޮނުއްވާފައިވާ ހުސްނުއްސޫދަކީ ރާއްޖޭގެ މަޝްހޫރު ޤާނޫނީ ވަކީލެއްގެ އިތުރުން ކުރިން ދައުލަތުގެ އެޓަރނީ ޖެނެރަލްކަން ވެސް ކުރައްވާފައިވާ ބޭފުޅެކެވެ.

ރައީސް ޞާލިޙު ސުޕްރީމް ކޯޓުގެ ފަނޑިޔާރު ކަމަށް ނަން ފޮނުއްވާފައިވާ، އަބްދުއްރައޫފު އިބްރާހީމަކީ މިހާރު ވެސް ހައިކޯޓުގެ ފަނޑިޔާރެކެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ޒިހްނަތު ހަސަން
0%
80%
0%
0%
0%
20%
ކޮމެންޓް
28 ނޮވެންބަރ 2019 | ބުރާސްފަތި 23:38
ެަެައައިސާ
ސުއޫދަކީ، ބާ ކައުންސިލް ރައީސް ކަމަށް އައްޔަން ކުރަން، ލޯޔަރުންގެ އިތުބާރުވެސް ނުލިބުނު މީހެެެއް! ގާޒީކަމުގައި ބެލި މަައްސަލައެެއްގައި، ފަހުން ވަކީލެެއްގެ ގޮތުގައި ދިޔަ ކަމަށް ކިޔާ މީހެެއް، މިލިޔަން ޑޮލަރުގެ ޑުރަގްސް މައްސަލައިގައި ހެކި ފޮރުވަން ފުލުހަށް ރިޝްވަތު ދިން ކަމަށް ކިޔޭ މީހެއް! މަރު ކޮމިޝަން ގެ ތަހުގީގުތަކުން ޖަވާބު ނުލިބޭ އެތަައް ކަމެއް ތަހްގީގް ނުކޮށް ނިންމާ ރިޕޯޓް އެކުލަވާލި މީހެެއް، ސިޔާސީ އެކްޓިވިސޓެެއ! މިވަރު މީހަކު ސުޕްރީމް ކޯޓަށްލާން ތިއުޅެނީ! ޖުޑީޝަރީ އިސްލާހު ކުރަނީތަތީ؟