ސެނަހިޔަ ހޮސްޕިޓަލުގެ ނަން "ސެނަހިޔަ މިލިޓަރީ ހޮސްޕިޓަލް" އަށް ބަދަލުކޮށްފި
24 ނޮވެމްބަރު 2019 | އާދީއްތަ 14:12ކޮމްބެޓް މެޑިކް މެނުއަލް ފޮތް ވަނީ ނެރުއްވާފައި
އާދިއްތަ ދުވަހު ސެނަހިޔަ ކުރިމަތީގައި ބޭއްވި ރަސްމިއްޔާތުގެ ތެރެއިން
މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) ގެ ސެނަހިޔަ ހޮސްޕިޓަލުގެ ނަން "ސެނަހިޔަ މިލިޓަރީ ހޮސްޕިޓަލް" އަށް ބަދަލުކޮށްފިއެވެ.
އާދިއްތަ ދުވަހު ސެނަހިޔަ ކުރިމަތީގައި ބޭއްވި މި ރަސްމިއްޔާތު ޝަރަފުވެރި ކޮށްދެއްވާފައިވަނީ ޗީފް އޮފް ޑިފެންސް ފޯސް މޭޖަރ ޖެނެރަލް އަބްދުﷲ ޝަމާލްއެވެ.
މި ރަސްމިއްޔާތުގައި އެމްއެންޑީއެފް މެޑިކަލް ކޯރޕްސް އިން ހިންގާ ކޯސްތަކާ ގުޅޭ "ކޮމްބެޓް މެޑިކް މެނުއަލް" ފޮތްވެސް ނެރުއްވާފައިވާއިރު، އެމްއެންޑީއެފް މެޑިކަލް ކޯރޕްސްގެ ފަރާތުން ވަނީ ޗީފް އޮފް ޑިފެންސް ފޯސްއަށް ޚާއްސަ ކޮއިންއެއް އަރުވާފައެވެ.
އޭގެ އިތުރުން، އެމްއެންޑީއެފްގެ މެޑިކަލް ކޯރްޕްސްގެ ދިދަވެސް މި ރަސްމިއްޔާތުގައި ވަނީ އިފްތިތާހު ކުރައްވާފައެވެ.
މި ރަސްމިއްޔާތުގައި ޝަމާލްގެ އިތުރުން ވައިސް ޗީފް އޮފް ޑިފެންސް ފޯސް ބްރިގޭޑިއަރ ޖެނެރަލް އަބްދުއްރަޙީމް އަބްދުއްލަތީފް އާއި، އެކި ރޭންކުތަކުގެ ގިނަ އަދަދެއްގެ ސިފައިންވެސް ބައިވެރިވެފައިވެއެވެ.
