ޢުމްރާއަށް މީހުން ގެންދިއުމަށް އިތުރު ކުންފުނިތަކަށް ހުއްދަ ދީފި
ޢުމްރާއަށް މީހުން ގެންދިއުމަށް އިތުރު 6 ކުންފުންޏަކަށް ހުއްދަ ދީފައިވޭ
ހައްޖާޖީންތަކެއް ފުރަން ތައްޔާރުވެފައި
ޢުމްރާއަށް މީހުން ގެންދިއުމަށްޓަކައި މިނިސްޓްރީ އޮފް އިސްލާމިކް އެފެއާޒުން އިތުރު ކުންފުނިތަކަކަށް ހުއްދަ ދީފިއެވެ.
އާދިއްތަ ދުވަހު އިސްލާމިކް މިނިސްޓްރީން ކުރި އިއުލާނެއްގައި ބުނެފައިވަނީ، ދިވެހިރާއްޖެއިން ޢުމްރާއަށް މީހުން ގެންދިއުމަށް އިތުރު 6 ކުންފުންޏަކަށް ހުއްދަ ދީފައިވާ ކަމަށާއި، ދިވެހިރާއްޖެއިން ޢުމްރާއަށް މީހުން ގެންދިއުމާބެހޭ އުޞޫލުގެ 4 ވަނަ މާއްދާގެ (ށ) ގެ ދަށުން މި ހުއްދައިގެ މުއްދަތަކީ 2 އަހަރު ދުވަސް ކަމަށެވެ.
އަލަށް ހުއްދަ ދެވިފައިވާ ކުންފުނިތައް:
އިސްލާމިކް މިނިސްޓްރީން މީގެ ކުރިން ވަނީ ޢުމްރާއަށް މީހުން ގެންދިއުމުގެ ހުއްދަ 25 ކުންފުންޏަކަށް ދީފައެވެ. އެގޮތުން ޢުމްރާއަށް މީހުން ގެންދިއުމާބެހޭ އުޞޫލުގައި ވާގޮތުން ގޮތުން އުމްރާއަށް މީހުން ގެންދިއުމަށް އެދި ހުށައަޅާ ފަރާތަކީ އެ ކުންފުނީގެ މަޤްސަދުތަކުގެ ތެރޭގައި އުމްރާއަށް މީހުން ގެންދިއުމުގެ ޚިދުމަތް ދިނުން ހިމެނިފައިވާ، 100 އިންސައްތަ ދިވެހިންގެ ހިއްސާ އޮންނަ ކުންފުންޏަކަށް ވާން ޖެހެއެވެ.
އޭގެ އިތުރުން، ކުންފުނީގެ ޑިރެކްޓަރުންގެ ހުންނަންޖެހޭ ޝަރުތުތަކާއި، ހުއްދައަށް އެދޭއިރު ބޭނުންވާނެ މައުލޫމާތު ތަކުގެ ތަފްސީލާއި، މިނޫންވެސް ޝަރުތުތައް އުސޫލުގައި ވަނީ ބަޔާންކޮށްފައެވެ.
