ޕްރައިމަރީއަކާއި ނުލާ އެމްޑީޕީގެ މަޖިލިސް ޓިކެޓް އިތުރު 10 ފަރާތަކަށް
44 ދާއިރާއަކުން ވަނީ ޕްރައިމަރީއާއި ނުލާ ޓިކެޓް ކާމިޔާބުކޮށްފައި
އެމްޑީޕީގެ މެންބަރުންތަކެއް
ޕްރައިމަރީއަކާއި ނުލާ އެމްޑީޕީގެ މަޖިލިސް ޓިކެޓް އިތުރު 10 ފަރާތަކުން ކަށަވަރުކޮށްފިއެވެ.
އެމްޑީޕީން ބުނީ އެ ޕާޓީގެ ފަރާތުން 20 ވަނަ ރައްޔިތުންގެ މަޖިލިސްއަށް ވާދަކުރައްވަން ބޭނުންފުޅުވާ ފަރާތްތަކުން ޝައުޤުވެރިކަން ފާޅުކުރުމަށް ހުޅުވާލުމުން ޝައުޤުވެރިކަންފާޅުކުރި ފަރާތްތަކުގެ ތެރެއިން އިތުރު 10 ފަރާތަކަށް ޕްރައިމަރީއާއި ނުލާ ޓިކެޓް ކަށަވަރު ވެފައިވާ ކަމަށެވެ.
ޕްރިމަރީއަކާއި ނުލާ ޓިކެޓް ކަށަވަރުކޮށްފައިވާ ފަރާތްތައް:
އިތުރު 10 ދާއިރާއަކަށް ޕްރައިމަރީއާއި ނުލާ ޓިކެޓް ކާމިޔާބުކޮށްފައިވާއިރު، މީގެ ކުރިން ވެސް 34 ދާއިރާއަކަށް ޕްރައިމަރީއާއި ނުލާ ޓިކެޓް ވަނީ ކަށަވަރުކޮށްފައެވެ. އެހެންކަމުން އެމްޑީޕީގެ ޕްރައިމަރީގައި 44 ދާއިރާއެއްގެ ޕްރައިމަރީ ނުބާއްވާނެއެވެ.
20 ވަނަ ރައްޔިތުންގެ މަޖިލިސްއަށް ވާދަކުރަން ބޭނުންވާ ފަރާތްތަކުން ޝައުޤުވެރިކަން ފާޅުކުރުމަށް ހުޅުވާލުމުން، ޝައުޤުވެރިކަންފާޅުކުރި ފަރާތްތަކުގެ ތެރެއިން ޕްރައިމަރީ ބާއްވަންޖެހޭ ދާއިރާތަކާއި، އެދާއިރާތަކަށް ކުރިމަތިލެއްވި ކެންޑިޑޭޓުންގެ ނަންތައް ކެންޑިޑޭޓް ނަންބަރާއިއެކު މިހާރު ވަނީ އާންމުކޮށްފައެވެ. މިދާއިރާތަކުގެ ޕްރައިމަރީ އޮންނާނީ 03 ފެބްރުއަރީ 2024 ވާ ހޮނިހިރު ދުވަހުއެވެ. ކުރިން ޕްރައިމަރީ ބޭއްވުމަށް ނިންމީ މި މަހުގެ 26 އަދި 27 ގައެވެ.
