އުއްތަމަ ފަނޑިޔާރުގެ ސުލޫކީ މައްސަަލަތަކުގެ ތަފްސީލު ހާމަވެއްޖެ
މަޖިލީހަށާއި، ޖޭއެސްސީގެ މަސައްކަތަށް ހުރަސް އެޅި މައްސަލަ ހިމެނޭ
އުއްތަމަ ފަނޑިޔާރު ޑރ. އަހުމަދު އަބްދުﷲ ދީދީ
އުއްތަމަ ފަނޑިޔާރު ޑރ. އަޙްމަދު ޢަބްދުﷲ ދީދީއާ ގުޅޭ ގޮތުން ޖުޑީޝަލް ސަރވިސް ކޮމިޝަން (ޖޭއެސްސީ) އިން ބަލަމުންގެންދާ ސުލޫކީ މައްސަލަތަކުގެ ތަފްޞީލު އެ ކޮމިޝަންގެ ރިޕޯޓުން ހާމަވެއްޖެއެވެ.
ޖޭއެސްސީން ވަނީ ޑރ. ދީދީ ފަނޑިޔާރު ކަމުގެ މަޤާމުން ވަގުތީ ގޮތުން ސަސްޕެންޑްކޮށް އެމަނިކުފާނު މަޤާމުން ވަކިކޮށް ދިނުމަށް އެދި ރައްޔިތުންގެ މަޖިލީހަށް ހުށައަޅާފައެވެ. ޖޭއެސްސީގެ ތަހުޤީޤު ކޮމިޓީން ދިރާސާކޮށް މަޖިލީހުގެ ޖުޑީޝަރި ކޮމިޓީ އަށް 348 ޞަފުޙާގެ ރިޕޯޓެއް ވަނީ ފޮނުވާފައެވެ.
ޖޭއެސްސީގެ ތަހުޤީޤު ކޮމިޓީން އުއްތަމަ ފަނޑިޔާރުގެ މައްސަލަ ތަހުޤީޤު ކުރުމަށް ފަހު މަޖިލީހުގެ ޖުޑީޝަރީ ކޮމިޓީ އަށް ފޮނުވާފައިވާ ރިޕޯޓުގައި އެމަނިކުފާނުގެ ސުލޫކީ 15 މައްސަލައެއް ފާހަގަކޮށްފައިވެއެވެ.
ޖޭއެސްސީން ފާހަގަކޮށްފައިވާ އުއްތަމަ ފަނޑިޔާރުގެ ސުލޫކީ މައްސަލަތައް:
ޖޭއެސްސީން ވަނީ އެ ކޮމިޝަނުގެ ތަހުގީގަށް ހޯދުނު މައުލޫމާތުތައް ލިޔެކިޔުންތައްވެސް އެ ރިޕޯޓުގައި ހިމަނާފައެވެ.
ޖޭއެސްސީން އުއްތަމަ ފަނޑިޔާރުގެ ސުލޫކީ މައްސަލަތަކެއް ބަލަމުންދާއިރު، އެމަނިކުފާނު ގެންދަވަނީ ޖޭއެސްސީގެ ތަހުޤީޤަށް އެއްބާރުލުން ނުދެއްްވާނެ ކަމަށް ތަކުރާރުކޮށް ވިދާޅުވަމުންނެވެ. ޖޭއެސްސީން ވުޖޫދުގައި ނުވާ ސުލޫކީ މައްސަލަތަކެއް އަމިއްލަ ޚިޔާލަށް އުފައްދައިގެން، ސުޕްރީމް ކޯޓުގެ ފަނޑިޔާރުންގެ ތަހުޤީޤުތަކެއް ހިންގާ ކަމަށް ބުނެ، ސުޕްރީމް ކޯޓުގެ ބައެއް ފަނޑިޔާރުންނަށް ބިރު ދެއްކުމުގެ ޢަމަލުތައް ސިލްސިލާ ގޮތެއްގައި ހިންގަމުން އަންނަ ކަމަށް ވިދާޅުވެ ސަސްޕެންޝަން ގަބޫލުނުކުރައްވާ ކަމަށް ޑރ. އަޙްމަދު ޢަބްދުﷲ ދީދީ ވަނީ އެމަނިކުފާނު ނެރުއްވި ބަޔާނެއްގައި ވިދާޅުވެެފައެވެ.
ޖޭއެސްސީން ކޮމިޓީ އަށް ހުށައެޅި ރިޕޯޓް ފާސްކޮށް، މަޖީލިހުގެ ތަޅުމަށް ފޮނުވައި، ހޯމަ ދުވަހު ވޯޓުނެގުމަށް ވަނީ ހަމަޖެހިފައެވެ.
