މިއަދުގެ މަޖިލީހުގެ ޖަލްސާވެސް ހަވީރު 5 ޖަހަންދެން ކުރިއަށްގެންދަނީ
ބަޖެޓު ބަހުސްގެ ވަގުތު އިތުރު ކުރުމަށް ފާސްކޮށްފައިވަނީ 70 މެމްބަރުންނެގެ ވޯޓުން
މަޖިލިސް 2019
މިއަދުގެ ރައްޔިތުންގެ މަޖިލީހުގެ ޖަލްސާ ފަހެއް ޖަހަންދެން ކުރިއަށް ގެންދިއުމަށް ފާސްކޮށްފިއެވެ.
ބަޖެޓު ބަހުޘްގެ ވަގުތު އިތުރު ކުރުމަށް ފާސްކޮށްފައިވަނީ 70 މެމްބަރުންނެގެ ވޯޓުންނެވެ.
ބަޖެޓު ބަހުޘް ކުރިއަށް ދާއިރު އިޤްތިޞާދީ ކޮމިޓީ އާއި މާލިއްޔަތު ކޮމިޓީ ގުޅިގެން އެކުލަވާލާފައިވާ ބަޖެޓު ކޮމިޓީން ގެންދަނީ ސަރުކާރުގެ ބަޖެޓު ދިރާސާ ކުރުމުގެ މަސައްކަތް ކުރަމުންނެވެ.
ބަޖެޓުގެ ބަހުޘަށް 21 ގަޑިއިރު ކަނޑައަޅާފައިވާއިރު ފުރަތަމަ ފުރުޞަތުގައި ކޮންމެ މެމްބަރަކަށް ލިބިވަޑައިގަންނަވަނީ 15 މިނިިޓެވެ. އަދި ކޮމިޓީ ރިޕޯޓަށް ބަހުޘް ކުރައްވަން ކޮންމެ މެމްބަރަކަށް ހަތް މިނިޓު ދިނުމަށް ވެސް ހަމަޖެހިފައެވެ.
ބަޖެޓުގެ ބަހުޘަށް 21 ގަޑިއިރު ހޭދަވާއިރު ބަހުޘްގެ ވަގުތު އަންގާރަ ދުވަހުގެ މަޖިލީހުގެ ޖަލްސާގައިވެސް ވަނީ އިތުރުކޮށްފައެވެ. އެ ޖަލްސާވެސް ވަނީ ހަވީރު 5 ޖަހަންދެން ކުރިއަށް ގެންގޮސްފައެވެ.
