އެއާރ އިންޑިއާ ފްލައިޓެއްގައި ރޯވެގެން އެމެޖެންސީގައި ރައިޕުރް އެއާޕޯޓަށް ޖައްސައިފި
ހުރިހާ އެންމެންވެސް ސަލާމަތްވި
އަލީ ސަމާޚް | 8 ނޮވެމްބަރު 2019 | ހުކުރު 18:17
އެއަރ އިންޑިއާގެ ފްލައިޓެއް
180 ފަސެންޖަރުން ގޮވައިގެން އިންޑިއާގެ ބުބާނެޝްވަރު އެއާޕޯޓުން ފުރައިގެން މުމްބާއި އަށް ދަތުރު ކުރި އެއަރ އިންޑިއާ ފްލައިޓް (އޭ 670) ގެ އިންޖީނުގައި އަލިފާން ރޯވެގެން ރައިޕުރް އެއާޕޯޓުގައި އެމެޖެންސީކޮށް ޖައްސައިފިއެވެ.
ފްލައިޓްގައި އިން ފަސެންޖަރަކާއި ހަވާލަދީ ރިޕޯޓްތައް ބުނާގޮތުން އިންޖީނުގައި އަލިފާން ރޯވިކަމަށް ޝައްކު ކުރެވިގެން އެ ވާހަކަ ކްރޫންނާއި ޕައިލެޓާއި ހިއްސާ ކުރި ކަމަށެވެ. އެއާއި އެކު އެމެޖެންސީގައި ރައިޕުރް އެއާޕޯޓުގައި ފްލައިޓް ޖެއްސިއެވެ.
އެއާބަސް 321 ފްލައިޓްގައި ތިބި ހުރިހާ ފަސެންޖަރުން ވަނީ ރައްކާތެރި ކަމާއި އެކު ސަލާމަތް ކޮށްފައެވެ. އެ ހާދިސާ ހިނގިތާނައި އެކު އެއާޕޯޓު ކޮންމެވެސް ވަރަކަށް ހުއްޓުމެއް އައެވެ. އެހެން ނަމަވެސް މިހާރު އެއާޕޯޓު ވަނީ ހުޅުވާފައެވެ.
