މަސްދޯންޏެއްގެ ވަތު ތެރެއަށް ވެއްޓި މީހަކު މަރުވެއްޖެ
ފުލުހުން ގެންދަނީ މި މައްސަލަ ތަހުގީގުކުރަމުން
މަސްދޯންޏެއް
ކ. ގުރައިދޫއިން މަހަށް ނިކުތް ދޯންޏެއްގެ ވަތު ތެރެއަށް ވެއްޓި 23 އަހަރުގެ ޒުވާނަކު މަރުވެއްޖެއެވެ.
ފުލުހުން ބުނީ ކ. ގުރައިދޫއިން މަހަށް ނިކުތް ދޯންޏެއްގެ ވަތު ތެރެއަށް ވެއްޓި އުމުރުން 23 އަހަރުގެ ފިރިހެނެއްގެ ހަރަކާތް ހުއްޓިފައިވާ ކަމުގެ މައްސަލައެއް ރޭ ދަންވަރު އެ އިދާރާއަށް ލިބިފައިވާ ކަމަށެވެ.
އަދި އެ މީހާ ހޮނިހިރު ދުވަހުގެ ހެނދުނު ގުރައިދޫ ސިއްހީ މަރުކަޒަށް ގެންގޮސްފައިވާ ކަމަށާއި އެ ޒުވާނާ އެރަށު ސިއްހީ މަރުކަޒަށް ގެންދިޔައިރު ވެސް މަރުވެފައިވާކަމަށް އެ ސެންޓަރުން މައުލޫމާތު ދިން ކަމަށް ފުލުހުން ބުނެއެވެ.
މި މައްސަލައިގައި މިހާތަނަށް ބެލިބެލުމުން އެނގިފައިވަނީ މަރުވެފައިވާ ޒުވާނާގެ ބޭރު ފުށުން އެއްވެސް ޒަހަމެއް ފެންނަން ނެތް ކަމަށެވެ. ފުލުހުން ދަނީ މިކަން އިތުރަށް ތަހުގީގު ކުރަމުންނެވެ.
