ކުޑަކުއްޖަކާއި ބެހުނު މައްސަލައެއްގައި ބަންގްލަދޭޝް ފިރިހެނަކު ހައްޔަރުކޮށްފި
2 ނޮވެމްބަރު 2019 | ހޮނިހިރު 04:38ޖިންސީ ގޯނާ ލިބުނީ 15 އަހަރުގެ ކުއްޖެއް
މޯލްޑިވިސް ޕޮލިސް ސާރވިސް
މެދު ރާއްޖެތެރެއިން ރަށެއްގައި އަންހެން ކުއްޖަކާއި މެދު ގަދަކަމުން ބަދު އަހުލާގީ އަމަލު ހިންގި ބިނދޭސީ މީހާގެ ބަންދުގެ މުއްދަތު ޖަހައިފިއެވެ.
ފުލުހުން ބުނީ މެދު ރާއްޖެތެރެއިން ރަށެއްގައި 15 އަހަރުން ދަށުގެ އަންހެން ކުއްޖަކާއި މެދު ގަދަ ކަމުން ބަދު އަހުލާގީ އަމަލު ހިންގި މައްސަލައެއް އޮކްޓޫބަރު 31 ވަނަ ދުވަހު 11:00 ހާއިރު ހުށަހަޅާފައިވާ ކަމަށެވެ.
ފުލުހުން ބުނީ މިމައްސަލާގައި ކޯޓު އަމުރެއްގެ ދަށުން 34 އަހަރުގެ ބަނގުލަދޭޝް ފިރިހެނެއް ހައްޔަރުކޮށްފައިވާ ކަމަށާއި، ހައްޔަރުކުރި ބަނގުލަދޭޝް މީހާއަށް މެޖިސްޓްރޭޓް ކޯޓުން ހޮނިހިރު ދުވަހު 10 ދުވަހުގެ މުއްދަތެއް ދީފައިވާ ކަމަށެވެ.
ފުލުހުން ބުނީ މިމީހާއަކީ އިމިގްރޭޝަން ގާނޫނާ ހިލާފަށް އުޅޭ މީހެއް ކަމަށެވެ.
ފުލުހުން ދަނީ މިމައްސަލަ އިތުރަށް ތަހުގީގު ކުރަމުންނެވެ.
