ކޮމިޝަނަރ ޖެނެރަލް އޮފް ޓެކްސޭޝަންގެ މަގާމަށް ފަތުހުﷲ އައްޔަންކުރުމަށް އެމްޑީޕީން ތްރީލައިން ވިޕެއް
27 އޮކްޓޯބަރު 2019 | އާދީއްތަ 18:21ޑެޕިއުޓީ ކޮމިޝަނަރ ޖެނެރަލް އޮފް ޓެކްސޭޝަންގެ މަޤާމަށް ހއ އިހަވަންދޫ ވައިޖެހޭގެ، އަސްމާ ޝަފީއު އައްޔަންކުރުމަށް ވިޕް ނެރިފައިވޭ
ފަތުހުﷲ އާއި އިންޓަވިއުކުރުން ކުރިއަށްގެންދަނީ
ކޮމިޝަނަރ ޖެނެރަލް އޮފް ޓެކްސޭޝަންގެ މަގާމަށް ފަތުހުﷲ ޖަމީލް އައްޔަންކުރުމަށް އެމްޑީޕީން ތްރީލައިން ވިޕެއް ނެރެފި އެވެ.
ކޮމިޝަނަރ ޖެނެރަލް އޮފް ޓެކްސޭޝަނާއި، ޑެޕިއުޓީ ކޮމިޝަނަރ ޖެނެރަލް އޮފް ޓެކްސޭޝަންގެ މަޤާމަށް ބޭފުޅުން އައްޔަންކުރުމުގެ މައްސަލަ ހޯމަ ދުވަހުގެ ޖަލްސާއަށް ވަނީ އެޖެންޑާކޮށްފަ އެވެ.
އެމްޑީޕީން އާދިއްތަ ދުވަހުގެރޭ ބޭއްވި ޕާލިމެންޓްރީ ގުރޫޕްގެ ބައްދަލުވުމުގައި ތްރީލައިން ވިޕް ނެރިފައިވަނީ ކޮމިޝަނަރ ޖެނެރަލް އޮފް ޓެކްސޭޝަންގެ މަގާމަށް ފަތުހުﷲ ޖަމީލް އައްޔަންކުރުމަށެވެ. އަދި ޑެޕިއުޓީ ކޮމިޝަނަރ ޖެނެރަލް އޮފް ޓެކްސޭޝަންގެ މަޤާމަށް ހއ އިހަވަންދޫ ވައިޖެހޭގެ، އަސްމާ ޝަފީއު އައްޔަންކުރުމަށެވެ.
ކޮމިޝަނަރ ޖެނެރަލް އޮފް ޓެކްސޭޝަންގެ މަގާމަށް ފަތުހުﷲ އާއިއެކު ފޮނުއްވާފައިވާ ދެވަނަ ނަމަކީ ހ. ސެނާ، އިސްމާއިލް ނާޝިދު ނަމެވެ.
ފަތުހުﷲ އަކީ މިހާރު ދިރާގުގެ އިސްމަގާމެއް ފުރުއްވަމުން ގެންދަވާ، މީގެކުރިން މީރާގައި ވެސް އިސްމަގާމުތަކެއް ފުރުއްވި ބޭފުޅެކެވެ. ކުރީގެ ރައީސް މުހައްމަދު ނަޝީދުގެ ސަރުކާރުން ޓެކްސް ނިޒާމް ތައާރަފް ކުރިއިރު، ޓެކްސާ ގުޅޭ ކަންކަމުގައި މީހުން ހޭލުންތެރި ކުރުމާއި، މީޑިއާތަކަށް މައުލޫމާތު ދެއްވުމުގައިވެސް ފަތުހުﷲ ވަނީ އިސްދައުރެއް އަދާކުރައްވާފަ އެވެ.
ނާޝިދަކީ މިހާރުވެސް މޯލްޑިވްސް ކަސްޓަމްސް ސާރވިސްގެ އިސްމަގާމެއް ފުރުއްވަމުން ގެންދަވާ ބޭފުޅެކެވެ.
