ގޮވާ އެއްޗެހި ތައްޔާރުކުރާކަމުގެ މައުލޫމާތާއެކު ފުލުހުންގެ ހާއްސަ އޮޕަރޭޝަނެއް
ފުލުހުން ބުނީ މައްސަލަ އިތުރަށް ތަހުޤީޤްކުރަމުން އަންނަ ކަމަށް
ފުލުހުން ކުރިއަށްގެންދިޔަ އޮޕަރޭޝަނެއްގެ ތެރެއިން
ސްކޫލެއްގެ ލެބޯރެޓްރީއަކުން ކެމިކަލްތަކެއް ވަގަށް ނަގައިގެން ގޮވާ އެއްޗެއް ތައްޔާރުކުރަން އުޅުނުކަމުގެ މައުލޫމަތު ލިބިގެން ފުލުހުން މާލެގެ ބައެއް ތަންތަން ބަލާ ފާސްކުރަން ފަށައިފި އެވެ.
ފުލުހުން ބުނީ، އެމައްސަލާގައި ހިމެނެނީ 15 އަހަރުން ދަށުގެ ކުދިން ތަކެއް ކަމަށްށެވެ. އެ މައްސަލާގައި ބައެއް ތަންތަން ބަލާ ފާސްކުރަމުން އަންނަ ކަމަށާއި، މައްސަލާގައި އެއްވެސް މީހަކު ހައްޔަރުކޮށްފައިނުވާކަމަށް ފުލުހުން ބުންޏެވެ.
ފުލުހުން ބުނީ ވަގަށް ނަގާފައިވާ ކެމިކަލްތައް ފުލުހުންގެ ބެލުމުގެ ދަށަށް ގެންގޮސްފައިވާ ކަމަށެވެ. އަދި މައްސަލަ އިތުރަށް ތަހުޤީޤްކުރަމުން އަންނަކަމަށް ފުލުހުން ބުންޏެވެ.
މާލޭގެ ބައެއް ތަންތަން ބަލާ ފާސްކުރަމުންދާކަމަށް ފުލުހުން ބުނި ނަމަވެސް، ބަލާ ފާސްކުރަމުން އަންނަނީ ކޮން ތަންތަނެއްކަމަށް ފުލުހުން ހާމައެއް ނުކުރެ އެވެ.
