ސީފެއަރސް ޔޫނިއަނުން ޔުނިވަރސިޓީގެ ސެންޓަރ ފޯ މެރިޓައިމް ސްޓަޑީޒްގެ ވެރިންނާއި ބައްދަލުކޮށްފި
27 އޮކްޓޯބަރު 2019 | އާދީއްތަ 17:58ކޯސް ކޯޑިނޭޓަރ އެއް އެޕޮއިންޓް ކުރުމާއި ޓެކްނިކަލް ޑިޕާޓްމަންޓަށް ލެކްޗަރަރ އެއް ހަމަ ޖެއްސުން ފަދަ މައްސަލަތައް ހުށަހެޅި
ސީއެމްއެސް އަށް ރަނގަޅުކުރަންޖެހޭ ކަންކަން ހުށަހެޅުމަށް ބޭއްވި ބައްދަލުވުން
ޤައުމީ ޔުނިވަރސިޓީގެ ފެކަލްޓީއެއް ކަމަށްވާ ސެންޓަރ ފޯ މެރިޓައިމް ސްޓަޑީޒް (ސީއެމްއެސް) ގައި ކޯސްތައް ހިންގަނީ ބައިނަލްއަޤުވާމީ މިންގަނޑު(އެސްޓީސީޑަބްލިއު) ތަކާއި ޚިލާފަށް ކަމަށްބުނެ ސީ ފެއަރސް އެންޑް ލޭބަރ ޔޫނިއަނުން އެކަންކަން ސީއެމްއެސްއަށް ހުށަހަޅައިފި އެވެ.
ސީ ފެއަރސް އެންޑް ލޭބަރ ޔޫނިއަނުން އެކަންކަން ހުށަހެޅީ ސީއެމްއެސްގެ ވެރިންނާއެކު ބޭއްވި ބައްދަލުވުމުގައި އެވެ. އެ ބައްދަލުވުމުގައި ސީއެމްއެސްގެ އިދާރީ ހިންގުމުގައި ހުރި މައްސަލަތަކެއްވެސް އެ ޔޫނިއަނުން ވަނީ ފާހަގަކޮށްފަ އެވެ.
ސީ ފެއަރސް އެންޑް ލޭބަރ ޔޫނިއަނުން ރާއްޖެ.އެމްވީއަށް މައުލޫމާތުދެމުން ބުނީ، ސީއެމްއެސްގައި ރަނގަޅު ކުރުމަށްހުރި ކަންކަމުގެ ތެރޭގައި ކޯސް ކޯޑިނޭޓަރ އެއް އެޕޮއިންޓް ކުރުމާއި ޓެކްނިކަލް ޑިޕާޓްމަންޓަށް ލެކްޗަރަރއެއް ހަމަޖެއްސުން ފަދަ ކަންކަން ހިމެނޭ ކަމަށެވެ.
އޭގެއިތުރަށް މެއިންޓެއިނެންސް މީހަކު ބަހައްޓައިގެން މެކޭނިކަލް ޓޫލްސްތަކުގެ މެއިންޓެއިނެންސް ބެލެހެއްޓުމުގެ އިތުރުން ސަވައިވަލް އޭރިއާއެއް މަރާމާތުކޮށް ބަލަހައްޓާނެ ނިޒާމެއް އެކުލަވާލުން ފަދަ މައްސަލަތައް ރަނގަޅު ކުރުމަށް ސީއެމްއެސްއަށް ހުށައެޅިކަމަށްވެސް ސީ ފެއަރ އެންޑް ލޭބަރ ޔޫނިއަން އިން ބުންޏެވެ.
ސީ ފެއަރސް އެންޑް ލޭބަރ ޔޫނިއަނުން ބުނީ އެ ކަންތައްތަކުގެ އިތުރުވުންވެސް ބައެއް ކަންތައްތައް ހުށަހެޅުނު ކަމަށާއި ހުށަހެޅުނު ހުރިހާ ކަމަކީވެސް ވަރަށް އަވަހަށް ރަނގަޅު ކުރަން ޖެހޭ ކަންތައްތައް ކަމަށެވެ. އެ ޔޫނިއަނުން އިތުރަށް ބުނީ، މިހާރުވެސް ހިންގަމުންދާ ކޯސްތަކަށް ހަލާކުވެފައިހުރި ޓޫލްސްތައް ބޭނުންކުރަންޖެހޭ ކަމަށާއި ފަޔަރ ފައިޓިން އާއި ސަވައިވަލް ކްރާފްޓް އަދި ރެސްކިއު ބޯޓްފަދަ ކޯސްތައް އެކަންތައްތައް ރަނގަޅުނުކޮށް މިހާރު ނުހިންގޭނެ ކަމަށެވެ.
