ޓްރޭޑް ޔޫނިއަނުން ދެ ނައިބު ރައީސުންނާއި، މަޖިލިސް ރެޕެއް އައްޔަންކޮށްފި

ޓްރޭޑް ޔޫނިއަން އިން ދެ ނައިބު ރައީސުންނާއި، މަޖިލީހުގައި ޔޫނިއަން ތަމްސީލް ކުރާނެ މެންބަރަކު އައްޔަންކޮށްފިއެވެ.

މޯލްޑިވްސް ޓްރޭޑް ޔޫނިއަނުން އަންގާރަ ދުވަހު ނެރެފައިވާ ބަޔާނެއެްގައި ބުނެފައިވަނީ، ދެ ނައިބު ރައީސުންނާއި، މަޖިލީހުގައި ޔޫނިއަން ތަމްސީލް ކުރާނެ މެންބަރަކު އައްޔަން ކުރީ އަންގާރަ ދުވަހު އެ ޔޫނިއަނުން ބޭއްވި ކުއްލި ކައުންސިލް ބައްދަލުވުމުގެ އިއްތިފާގުން ކަމަށެެވެ.

ނައިބު ރައީސުންގެ ގޮތުގައި، އައްޔަންކޮށްފައިވަނީ، އެސްޓީއޯގެ ކުރީގެ އެމްޑީ، އާދަމް އާޒިމްއާއި، ޝިހާމް މުހައްމަދު ވަހީދެވެ. އަދި ރައްޔިތުންގެ މަޖިލީހުގައި ޓްރޭޑް ޔޫނިއަން ތަމްސީލް ކުރުމަށް ހޮވިފައިވަނީ، މަޖިލީހުގައި މަޑުއްވަރީ ދާއިރާގެ މެންބަރު މުހައްމަދު އަމީތެވެ.

މޯލްޑިވްސް ޓްރޭޑް ޔޫނިއަނުން ބުނީ، ރައްޔިތުންގެ މަޖިލިސް މެދުވެރިކޮށް ވިޔަފާރިވެރިންނަށް ދިމާވަ މައްސަލަތަށް ހައްލުކުރުމަށް ކުރަންޖެހޭ އެންމެހާ ކަންކަން ކުރާނީ މުހައްމަދު އަމީތުކަމަށެވެ.