ގައްލާދޫ ބޭރުން ފެނުން އެއްޗަކީ ލައިޓްހައުސް އެއްގެ ބައެއް ކަމަށް ބެލެވޭ: ފުލުހުން
27 އޮކްޓޯބަރު 2019 | އާދީއްތަ 13:33ފުލުހުން ބުނީ އެއީ ލައިޓްހައުސް އެއްގެ ބައެއް ކަމަށް ލަފާކުރެވޭ ކަމަށް
މުހައްމަދު މުސްތަފާ | 27 އޮކްޓޯބަރު 2019 | އާދީއްތަ 13:33
ގައްލާދޫ ކައިރިން ފެނުން ކަމަށް ބުނާއެތި
ށ. ކޮމަންޑޫ ކައިރި އޮންނަ ގައްލާދޫ ނަމަކަށް ކިޔާ ފަޅުރަށް ކައިރިއަށް ލެއްގި "މާސިންގާ" އެއްޗަކީ ލައިޓްހައުސް އެއްގެ ބައެއް ކަމަށް ލަފާކުރޭ ކަމަށް ފުލުހުން ބުނެފިއެވެ.
ފުލުހުން ބުނީ، ހޮނިހިރު ދުވަހު ގައްލާދޫ ކައިރިއަށް މާސިންގާ އެއްޗެއް ލައްގާފައިވާ ކަމަށް މައުލޫމާތު ލިބުމުން ފުލުހުން އެ ސަރަހައްދަށް ދިޔަ ކަމަށާއި މިހާތަނަށް ބެލި ބެލުމުން އެއީ ލައިޓް ހައުސްއެއްގެ ބައެއް ކަމަށް ލަފާކުރޭ ކަމަށެވެ.
އިތުރަށް ފުލުހުން ބުނީ، އެ އެތީގެ ބޮޑު މިނުގައި ގާތްގަނޑަކަށް 50 ފޫޓް ހުންނާނެ ކަމަށެވެ.
ގައްލާދޫ ކައިރިން ފެނުން އެތީގެ މައުލޫމާތު އެމްއެންޑީއެފަށް ފުލުހުން ހިއްސާކޮށްފައިވާ ކަމަށް ވެސް ފުލުހުން ބުންޏެވެ.
