ސްކެޗާރޒް ބްރޭންޑް ރާއްޖޭއަށް!
23 އޮކްޓޯބަރު 2019 | ބުދަ 19:08މި ފްރެންޗައިޒުން އެކި އުމުރުފުރާގައި މީހުންނަށް ހާއްސަ ފުޓްވެއަރ ލިބިގެންދާނެ
ސްކެޗާރޒް ބްރޭންޑްގެ ފްރެންޗައިޒް
އެމެރިކާގެ މަޝްހޫރު ފުޓްވެއަރ ބްރޭންޑް "ސްކެޗާރޒް"ގެ ފްރެންޗައިޒެއް ރާއްޖޭގައި ހުޅުވައިފިއެވެ.
މި ފްރެންޗައިޒް ހުޅުވާފައިވަނީ ކުރީގެ މާލެ ސިޓީ ކައުންސިލްގެ ކައިރީގައެވެ. ބުދަ ދުވަހުގެ ރޭ މި ފްރެންޗައިޒް ހުޅުއްވައިދެއްވީ ޔޫތް މިނިސްޓަރު އަހްމަދު މަހްލޫފްއެވެ.
މި ފްރެންޗައިޒުން އެކި އުމުރުފުރާގައި މީހުންނަށް ހާއްސަ ފުޓްވެއަރ ލިބިގެން ހުންނާނެއެވެ. އޭގެ ތެރޭގައި ދުވަން ބޭނުންކުރާ ބޫޓާއި ކެޝުއަލް ބޫޓު ލިބިގެންދާނެއެވެ.
ރާއްޖޭގައި ހުންނަ މި ފްރެންޗައިޒްގެ އެކްޓިންގް އިންޗާޖް އަބްދުﷲ މުހައްމަދު ވިދާޅުވީ ސްޓޯރ އެންޑް ސްޓޯރ ކޮންސެޕްޓްގެ ދަށުން ވިޔަފާރި ހިންގާތާ 3 އަހަރުވެފައިވާ ކަމަށާއި ކަސްޓަމަރުންގެ ޑިމާންޑަށް ބެލުމަށްފަހު މި ފްރެންޗައިޒް ހުޅުވަން ނިންމީ ކަމަށެވެ. މި ބްރޭންޑްގެ ޕްރޮޑަކްޓްތައް އިތުރަށް މާކެޓަށް ނިކުންނަ ވަރަކުން ރާއްޖެއިން ލިބިގެންދާނެ ކަމަށް ވެސް އޭނާ ވިދާޅުވިއެވެ.
ސްކެޗާރޒް ބްރޭންޑަކީ 1992 އަހަރު އުފައްދާފައި ބްރޭންޑަކަށްވާއިރު މިއީ އެމެރިކާގައި 3 ވަނަ އަށް އެންމެ ބޮޑު ފުޓްވެއަރ ބްރޭންޑްއެވެ.
