ބިޝާމަކީ ސިޔާސީގޮތުން އެއިރު ވެސް މިހާރު ވެސް "ރަންޑިއެއް": ސުޖާއު
ޕީޕީއެމްގެ ސަރުކާރު އޮތް އިރުވެސް ބިޝާމަކީ ރަންޑިއެއް
ޕްރޮސެކިއުޓާ ޖެނެރަލް އައިޝަތު ބިޝާމް
ނިމިގެންދިޔަ ޕީޕީއެމްގެ ސަރުކާރުގައި ބޮޑު އަޣްލަބިއްޔަތަކުން ޕްރޮސެކިއުޓަރ ޖެނެރަލްކަމުގެ މަޤާމަށް ޢައްޔަންކުރެއްވި ޢާއިޝަތު ބިޝާމަކީ އެއިރުވެސް އަދި މިހާރު ވެސް ސިޔާސީ "ރަންޑިއެއް" ކަމަށް ޕީއެންސީގެ ނައިބު ރައީސް އިބްރާހިމް ޝުޖާއު ވިދާޅުވެއްޖެއެވެ.
އިދިކޮޅު ޕްރޮގްރެސިވް ކޯލިޝަނުން ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން، ބާރަށު ދާއިރާގެ ކުރީގެ މެންބަރުކަން ވެސް ކުރެއްވި ޝުޖާއު ވިދާޅުވީ އެންމެންނަށް އެނގިވަޑައިގަންނަވާ ކަމަކީ ޕީޖީ ބިޝާމަކީ މިހާރު ސިޔާސީ ގޮތުން ރަންޑިއެއްކަން ކަމަށެވެ. އަދި މިއީ އިދިކޮޅުން އަބަދުވެސް ދައްކާ ވާހަކައެއް ކަމަށާއި، ރައީސް ޔާމީނުގެ ސަރުކާރުގައި ވެސް ދެއްކެވީ މި ވާހަކަ ކަމަށެވެ.
ޝުޖާއު ވިދާޅުވީ ބިޝާމަކީ ސިޔާސީ ރަންޑިއެއްކަން އިދިކޮޅުން ޤަބޫލުކުރާ ކަމަށާއި އިދިކޮޅުން ތިއްބެވީ ބިޝާމް ދައްކާ އެއްވެސް ވާހަކައަކަށް އެއްވެސް ކަމަކަށް ދޫދޭގޮތަކަށް ނޫން ކަމަށެވެ. އަދި މިކަން ހުއްޓުވުމަށް ޚާއްޞަކޮށް މިޤައުމުގައި ދީން ފޮހެލުމަށް މަސައްކަތްކުރާ ބައިވެރިއެއްގެ ގޮތަށް ބިޝާމަށް ތުހުމަތުކުރައްވާކަމަށް އޭނާ ވިދާޅުވިއެވެ.
ޝުޖާއު ވިދާޅުވީ ރައީސް ޔާމީނުގެ ވެރިކަން ނިމުނު އިރު ބިޝާމް މަޤާމުން ވަކި ނުކުރެވުނީ، އެއިރު އެ ބާރު ނެތުމުން ކަމަށާ، އެ ފުރުޞަތެއް ނުލިބުނު ކަމަށެވެ. ނަމަވެސް އެ ފުރުޞަތު މި ސަރުކާރަށް ލިބެން އޮތް އިރުވެސް މި ސަރުކާރުން ވެސް އެކަމާ ދެކޮޅު ހެއްދެވި ކަމަށާއި، މި ސަރުކާރާ ވަކިން ޚާއްޞަކޮށް ޖުމްހޫރީ ޕާޓީ ހިމެނިގެން އެކަން ކުރެއްވި ކަމަށެވެ.
އޭނާ ވިދާޅުވީ އެއިރު ބިޝާމް ކޮމިޓީތަކަށް ހާޟިރުކޮށް މަޤާމުން ވަކިކުރަން މަސައްކަތް ކުރި ކަމަށާއި، އެހެންނަމަވެސް އެމްޑީޕީގެ ތެރެއިން ރުހުން ލިބިގެން ފަހުން އެކަމަނާ މަޤާމުގައި ދެމިހުންނެވި ކަމަށެވެ.
ޝުޖާއު ވިދާޅުވީ ޕީޕީއެމްގެ ވެރިކަމުގައި، ޕީޖީ ތެރޭގައި ބިޝާމް ވަކިކުރުމުގެ މަޝްވަރާކުރެވުނު ކަމަށާއި، އެއީ އޭނާއާ ދޭތެރޭގައި ބައެއް މެންބަރުން އިތުބާރު ނުކުރައްވާތީ ކަމަށެވެ. ނަމަވެސް މެޖޯރިޓީ މެންބަރުން އެއިރު ވެސް ބިޝާމް ވަކިކުރަން ތާއިދު ނުކުރައްވާ ކަމަށެވެ. ޝުޖާއު ވިދާޅުވީ އޭނާއަކީ ޕީޖީ ބިޝާމް މަޤާމުގައި ހުރެގެން ނުވާނެކަމަށް އެންމެ ގަދަޔަށް ވަކާލާތުކުރި މީހާ ކަމަށާއި، އެއީ އޭނައަށް އިތުބާރު ނުކުރެވޭތީ ކަމަށެވެ. އަދި އެންމެ ގަދަޔަށް ބިޝާމްގެ ވާހަކަ ދެއްކެވީ ވެސް އޭނާ ކަމަށް ޝުޖާއު ވިދާޅުވިއެވެ.
ޝުޖާއު ވިދާޅުވީ ކޮމިޓީގައި އިންނަވަނިކޮށް އައި ކޯލަކީ ކޮން ދިމާލަކުން ލިބިވަޑައިގެންނެވި ކޯލެއްކަމާ މެދު ސުވާލު އުފައްދަވަން ޖެހޭ ކަމަށެވެ. މީގެ އިތުރުން ބޭން އެމްޑީއެން ހިންގީމާ ޕީޖީއަށް އަންނަ ޕްރެޝަރު އެނގިވަޑައިގަންނަވާ ކަމަށާއި، އިދިކޮޅު އެންމެންގެ ނަން މާދަމާ ވެސް ބިޝާމް ހުށަހަޅުއްވަފާނެކަން އެނގިވަޑައިގެން ކަމަށެވެ. އަދި އެއީ މައްސަލައެއް ނޫން ކަމަށާއި، ޕީޖީ ބިޝާމް ހަދުމަފުޅުކުރައްވައިގެން ހުންނަވަންޖެހޭނީ އިދިކޮޅުން އެކަމަނާއަށް އެއްވެސް ގޮތަކަށް ދޫ ނުދެއްވާނެ ކަމަށެވެ.
