ޓެރަރިޒަމަށް ހަރަދުކުރާ ގައުމުތަކުގެ ލިސްޓުން ޕާކިސްތާނު ސަލާމަތްވި ނަމަވެސް ބިރުބޮޑު!
އެ ގައުމުތަކުގެ ލިސްޓުން ސަލާމަތްވި ނަމަވެސް ޕާކިސްތާނަށް ބިރުބޮޑު
ޕާކިސްތާންގެ ބޮޑު ވަޒީރު
ޓެރަރިޒަމާއި މަނީ ލޯންޑަރިންއަށް ފައިނޭންސް ކުރާ ގައުމުތަކުގެ ލިސްޓުން ޕާކިސްތާނު އުނިކޮށްފިއެވެ.
އެ ގައުމުތަކުގެ ލިސްޓުން ޕާކިސްތާނު އުނިވި ނަމަވެސް ޕާކިސްތާނުން ނިންމަން ޖެހޭ އެކްޝަން ޕްލޭންތައް ފުރިހަމަ ނުކޮށްހުރި ކަމަށް ފައިނޭންޝަލް އެކްޝަން ޓާސްކް ފޯސް (އެފްއޭޓީއެފް)ގެ ރައީސް ޝިއާންގްމިން ލިއު ވަނީ ބައެއް މީޑިއާތަކަށް ވިދާޅުވެފައެވެ.
ޕާކިސްތާނުން ފުރިހަމަ ކުރަންޖެހޭ އެކްޝަން ޕްލޭންގެ 27 ކަންތަކުގެ ތެރެއިން މިހާތަނަށް ފުރިހަމަކޮށްފައިވަނީ ފަސް ކަންތައްތަކަން ހާމަކޮށް ލިއު ވިދާޅުވީ، އެކަށީގެންވާ ވަރަށް މަސައްކަތް ނުކުރާނަމަ ޕާކިސްތާނާއި ދޭތެރޭ އަވަސް ފިޔަވަޅުތަކެއް އަޅަން ޖެހޭ ކަމަށެވެ.
އެފްއޭޓީއެފް އިން ވަނީ އަންނަ ފެބްރުއަރީ މަހުގެ ކުރިން އެކްޝަން ޕްލޭންތައް ފުރިހަމަ ކުރުމަށް ޕާކިސްތާނަށް އަންގާފައެވެ. އަދި އެކަންތައްތައް ފުރިހަމަ ނުވެއްޖެނަމަ އަނެއްކާވެސް ބްލެކްލިސްޓަށް ޕާކިސްތާނު ވެއްޓިގެންދާނެ ކަމަށް އަންގާފައިވެއެވެ.
އެނބުރި އެ ގައުމުތަކުގެ ބްލެކް ލިސްޓަށް ޕާކިސްތާން ވެއްޓިއްޖެ ނަމަ މެއި މަހު ދޭން ނިންމި ހަ ބިލިއަން ރުފިޔާގެ އެހީގެ ޕެކޭޖް ނުދިނުމަށް އިންޓަނޭޝަނަލް މަނިޓަރީ ފަންޑް (އައިއެމްއެފް) އިން ވަނީ ނިންމާފައެވެ.
