ލ. އަތޮޅުގެ ފަސް ރަށެއް ކޯޒްވޭއަކުން ގުޅާލުމުގެ ގޮތުން ހަދާ 3 ކޯޒްވޭގެ މަޝްރޫއުގެ ބައެއް މަސައްކަތްތައް ކުންފުންޏަކާއި ޙަވާލުކޮށްފިއެވެ.

މި މަޝްރޫޢުގެ ދަށުން ކޯޒްވޭތައް ފަރުމާކުރުމުގެ މަސައްކަތާއި ކޯޒްވޭގެ ސަބަބުން ތިމާވެއްޓަށް ކުރާނެ އަސަރު ދެނެގަންނަން އެންވަޔަރަންމަންޓް އިމްޕެކްޓް އެސެސްމެންޓް (އީއައިއޭ) ހަދަން ޙަވާލުކުރީ ފޯރސައިޓް ސާރވެއާރސް ޕްރައިވެޓް ލިމިިޓެޑް ކުންފުންޏާއެވެ.

މަސައްކަތް ޙަވާލުކުރުމަށް މިނިސްޓްރީ އޮފް ނެޝަނަލް ޕްލޭނިންގ އެންޑް އިންފްރާސްޓްރަކްޗަރގައި ބުރާސްފަތި ދުވަހު ބޭއްވި ރަސްމިއްޔާތުގައި އެއްބަސްވުމުގައި މިނިސްޓްރީގެ ފަރާތުން ސޮއިރެއްވީ ޑިރެކްޓަރ ޖެނެރަލް ޝާނާ ފާރޫގެވެ. އަދި ފޯރސައިޓް ސާރވެއާރސް ޕްރައިވެޓް ކުންފުނީގެ ފަރާތުން ސޮއި ކުރެއްވީ މެނޭޖިން ޑިރެކްޓަރ އަހުމަދު ނުއައިމެވެ.

ދެ މަސް ދުވަހުގެ ތެރޭގައި މަސައްކަތް ނިންމަން ޝަރުޠުކޮށްފައިވާއިރު، މަސައްކަތުގެ އަގުގެގޮތުގައި މިނިސްޓްރީން ކަނޑައަޅާފައިވަނީ 388,916.12 އެވެ.

ކޯޒްވޭ ހަދަން ހަވާލުކުރީ ލ. ހިތަދޫ އާއި ލ. މެންދޫ އާއި ލ. ކުނަހަންދޫގެ އިތުރުން ލ. ކަލައިދޫ އާއި އެއަތޮޅު ދަނބިދޫގެ އެވެ.