"ރޯޅިކެފޭ" ގައި އަލިފާނުގެ ޙާދިސާއެއް ހިނގައިފި
15 އޮކްޓޯބަރު 2019 | އަންގާރަ 08:01މިޙާދިސާ ރިޕޯޓްކޮށްފައިވަނީ މިއަދު ހެނދުނު 09:53 ހާއިރު
މާލޭގެ މާވެޔޮމަގުގައި ހުންނަ ކެފޭ އެއްގައި އަލިފާނުގެ ޙާދިސާއެއް ހިނގައިފިއެވެ.
މޯލްޑިވެސް ނެޝަނަލް ޑިފެންސް ފޯރސް ( އެމްއެންޑީއެފް) އިން މަޢުލޫމާތުދޭ ގޮތުގައި އަލިފާނުގެ ހާދިސާ ހިނގާފައިވަނީ މާލޭގެ މާވެޔޮ މަގުގައި ހުންނަ "ރޯޅި ކެފޭ" ނަމަކަށްކިޔާ ކެފޭގެ ބަދިދޭގައެވެ.
އެ ކެފޭގެ ބަދިގޭގައި ހުރި ގޭސްފުޅިއެއްގައި އަލިފާންރޯވެ ބަދިގޭގައި ހުޅުހިފި ކަމަށް އެމްއެންޑީއެފުން ބުނެއެވެ. އެއިދާރާއަށް މިޙާދިސާ ރިޕޯޓްކޮށްފައިވަނީ މިއަދު ހެދުނު 09:53 އެހާކަށް ހާއިރުކަމަށާއި، ރިޕޯޓް ލިބުމާއެކު، އެމްއެންޑީއެފް ފަޔަރ އެންޑް ރެސްކިއު ޓީމް އެތަނަށް ގޮސް ކުޑަވަގުތުކޮޅެއްގެ ތެރޭގައި އަލިފާން ނިއްވާފައިވާކަމަށް އެމްއެންޑީއެފުން ބުނެއެވެ.
އަލިފާން ރޯވި ކެފޭ ހުންނަ ސަރަހައްދުގައި އެމްއެންޑީއެފްގެ ފަޔަރ އެންޑް ރެސްކިއު ޓީމުން ދަނީ ހަރަކާތްތެރި ވަމުންނެވެ.
