ގައްދޫގައި ގޯއްޗަށް އެދި ކުރިމަތިލުމުގެ ފުރުސަތު ހުޅުވާލައިފި
14 އޮކްޓޯބަރު 2019 | ހޯމަ 11:222000 އަކަފޫޓުގެ 13 ގޯތި ދޫކުރުމަށް ވަނީ ނިންމާފައި
ގދ.ގައްދޫ
ގދ. ގައްދޫގައި ގޯތި ދޫކުރުމަށް އެރަށު ކައުންސިލުން ނިންމާފައިވުމާއެކު ގޯއްޗަށް އެދި ކުރިމަތިލުމުގެ ފުރުސަތު ހުޅުވާލައިފިއެވެ.
ކައުންސިލުން ބުނީ ގައްދޫގައި ހިއްކާފައިވާ ހުސްބިމުން ދިރިއުޅުމަށްޓަކައި 2000 އަކަފޫޓްގެ 13 ގޯތި ދޫކުރުމަށް ކައުންސިލުން ނިންމާފައިވާ ކަމަށެވެ. އަދި ހޯމަ ދުވަހުން ފެށިގެން ގޯއްޗަށް އެދި ކުރިމަތިލުމުގެ ފުރުސަތު ހުޅުވާލައިފައިވާ ކަމަށެވެ.
ކައުންސިލުން ބުނީ ގޯއްޗަށް އެދިހުށަހެޅުމަށް އެދޭ ފަރާތްތަކުން ގައްދޫ އިން ގޯއްޗަށް އެދޭ ފޯމް ބަޔާންކޮށްފައިވާ ލިޔުންތަކާއެކު ހުށަހެޅުމަށް އެދޭ ކަމަށެވެ. އަދި ގޯއްޗަށް އެދި ހުށަހަޅާ ފޯމްތައް ދޫކުރުމާއި ބަލައިގަތުން އޮންނާނީ 14 އޮކްޓޫބަރު 2019 ވާ ހޯމަ ދުވަހުން ފެށިގެން 14 ނޮވެންބަރު 2019 ވާ ބުރާސްފަތި ދުވަހުގެ ނިޔަލަށް ބަންދު ނޫން ކޮށްމެ ދުވަހަކު ހެނދުނު 08:30 އިން މެންދުރުފަހު 13:30 އަށެވެ.
ކައުންސިލުން ބުނީ ގައްދޫއިން ދޫކުރަން ހަމަޖެހިފައިވާ ގޯތިތައް އަންގައިދޭ ޗާޓު އާއި ގޯއްޗަށް އެދި ހުށަހަޅާ މީހުންގައިގައި ހުންނަވާ ޝަރުތު 2019 އާއި ގައްދޫ އިން ގޯއްޗަށް އެދިފައިވާ މީހުންނަށް ޕޮއެންޓް ދޭ ތާވަލް ކައުންސިލްގެ ނޯޓިސް ބޯޑާއި ސަރުކާރުގެ ގެޒެޓްގައި ޝާއިއު ކުރެވިފައިވާނެ ކަމަށެވެ.
