އެމްޑީޕީ މާފުށީ ޔޫތް ވިންގް ގޮފި އިފްތިތާހުކޮށްފި
13 އޮކްޓޯބަރު 2019 | އާދީއްތަ 02:16މާފުށީ ޔޫތު ވިންގ އުފެއްދީ 22 ޖުލައި 2019 ގައި
ެއެމްޑީޕީ މާފުށީ ޔޫތް ވިންގް ގޮފި އިފްތިތާހު ކުރުމަށް ބޭއްވި ޖަލްސާ
މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) މާފުށީ ޔޫތު ވިންގް ގޮފި އިފުތިތާހުކޮށްފިއެވެ.
ހުކުރުދުވަހުގެ ރޭ ކ. މާފުށީ ޔޫތު ސެންޓަރުގައި ބޭއްވި މި ހަފްލާ ޝަރަފުވެރި ކޮށްދެއްވީ ރައްޔިތުން މަޖިލީހުގެ ދާންދޫ ދާއިރާގެ މެންބަރު ޔައުޤޫބް އަބްދުﷲ އެވެ.
ޔައުޤޫބުގެ ވާހަކަފުޅުގައި މާފުއްޓަކީ ސިޔާސީ ހަރަކާތް އިންތިޒާމުކޮށްގެން ހިންގުމަށް އެއްވެސް ދަތިކަމެއްނެތި ވަސީލަތްތައް ފަސޭހަކަމާއެކު ފަހިވެފައިވާ ޒުވާނުންނަށް ފަހި ފުރުޞަތު ތަކެއް އޮތް ރަށެއްކަމުގައި ފާހަގަކުރެއްވިއެވެ. އަދި މާފުށީ ޒުވާނުން މިފުރުޞަތުގެ ބޭނުން ރަގަޅުގޮތުގައި ހިފާ ކުރިޔަށް އޮތް ލޯކަލް ކައުންސިލް އިންތިހާބު ގެ ހުރިހާ ގޮނޑިޔެއް ސަރުކާރު އެމްޑީޕީ އަށް ކާމިޔާބުކޮށްދިނުމަށް ގަދައަޅައި މަސައްކަތްކުރުމަށް ގޮވާލެއްވިއެވެ.
މާފުށީ ޔޫތް ވިންގްގެ ފަރާތުން ބުނެފައިވަނީ އެމްޑީޕީގެ ޒުވާނުންގެ ހިތްވަރު އެދަނީ ރަސްމީ ސިފައެއްގަ މުޅިރާއްޖެއަށް ގޮފިތަށްލާ ފަތްތައް އަޅާ މާތައް ފޮޅުވަމުން އަދި މޭވާވެސް އަޅަމުން ކަމަށާއި، އެގޮތުން މާފުށީ ޔޫތު ވިންގ އުފެއްދީ 22 ޖުލައި 2019 ގައި ކަމަށެވެ.
މިގޮފީގެ ހަރަކާތްތައް މީގެފަހުން ހިންގާނީ ރަސްމީކޮށް ކަމަށާއި، މާފުށީ ޒުވާނުންގެ ކަންކަމުގައި ޝާމިލްވެ، ޒުވާނުންނަށް ބޭނުންވާ ފުރުޞަތުތަށް ދެނެގަނެ، ފަހިކޮށް އަދި ހޯދައިދިނުމަށް ކުރަންޖެހޭކޮންމެ ކަމެއް ކުރުމުގައި މާފުށީ ޔޫތުވިންގ އެންމެ ފިޔަވަޅެއްވެސް ފަހަތަށް ނުޖެހޭނެ ކަމުގެ ޔަޤީންކަން މާފުށީ ޒުވާނުންނަށާއި މެންބަރުންނަށް ދެއްވިއެވެ.
މާފުށީ ޔޫތުވިންގ ގޮފީގަވެސް މޭވާ އަޅާނެ ކަމަށާއި، މިއީ ވަރައްވަރުގަދަ މޫވްމަންޓެއް ކަމާ، މި މޫވްމަންޓް ހުރީ އެކްޓިވޭޓްވެފައި ކަމަށް މާފުށީ ޔޫތް ވިންގް އިން މައުލޫމާތު ދެއެވެ.
ޝަރަފުވެރި މެހެމާނުގެ އިތުރުން އެމްޑީޕީ ޒުވާނުންގެ ހިތްވަރުގެ ނައިބު ރައީސް މުޙައްމަދު އަންސަރު އާއި އެމްޑީޕީ ޒުވާނުންގެ ހިތްވަރުގެ މެދު ދެކުނު ޕްރޮވިންސް ކައުންސިލް މެންބަރު މަރިޔަމް ޔޫހާ މި ހަފްލާގައި ބައިވެރިވެވަޑައިގެންނެވިއެވެ.
