ނަކަލުކޮށްފައިވާ ސައްހަ ނޫން ވޯކް ވިސާތަކެއް ރާއްޖެ އެތެރެކުރަން އުޅުނު ބިދޭސީއަކު މޯލްޑިވްސް އިމިގްރޭޝަން އިން ހުއްޓުވައިފިއެވެ.
ރާއްޖެ އެމްވީއަށް މައުލޫމާތު ލިބިފައިވާ ގޮތުގައި އިމިގްރޭޝަނުން ހިފެހެއްޓި މީހާގެ އަތުން ރާއްޖޭގައި ބޭނުންކުރާ ވޯކް ވިސާގެ ނަކަލްކޮށްފައިވާ ތިން ކާޑު ފެނިފައިވެއެވެ. އެ ތިން ވޯކް ވިސާ ވެސް ހައްދާފައިވަނީ ތަފާތު ތިން މީހެއްގެ ނަންމަތީއެވެ.
އިމިގްރޭޝަނުން ކުރި ޓްވީޓެއްގައި ސައްހަ ނޫން ވޯކް ވިސާ ކާޑްތަކެއް ރާއްޖެ އެތެރެކުރަން އުޅުނު ބިދޭސީއެއް ހިފެހެއްޓިކަމަށް ބުނެފައިވީ ނަމަވެސް އެމީހާ އަކީ ކޮން ގައުމަކަށް ނިސްބަތްވާ މީހެއްކަމެއް ހާމަކޮށްފައެއް ނުވެއެވެ.
ގަވާއިދާ ހިލާފަށް ރާއްޖެ އެތެރެވުމަށް އުޅޭ ބިދޭސީންނަށް މޯލްޑިވްސް އިމިގްރޭޝަނުންފިޔަވަޅު އަޅަން ނިންމާފައިވާއިރު މި އަހަރުގެ ތެރޭގައި ވެސްއެހެން މީހުންގެ ފޮޓޯ ޖަހައިގެން ރާއްޖެ އެތެރެވާން އުޅުނު 17 ބިސޭދީން ވަނީ އިމިގްރޭޝަނުން ވަނީ ހިފާއްޓާފައެވެ.
ދާދި ފަހުން ސަރުކާރުން ވަނީ ނުގަވާއިދުން އުޅޭ ބިދޭސީންނަށް ފިޔަވަޅު އަޅަން ފަށާފައެވެ.
