ކ. މާލެ
|
6 އޮކްޓޯބަރ 2019 | އާދީއްތަ 18:21
ތަރައްގީ އާއި ތަރިކައިގެ ކޮމެޓީގެ ބައްދަލުވުމުގެ ތެރެއިން
ތަރައްގީ އާއި ތަރިކައިގެ ކޮމެޓީގެ ބައްދަލުވުމުގެ ތެރެއިން
ދާނިޝް ނިޡާމް
މަޖިލިސް ކޮމެޓީ
14 ދުވަހުގެ ތެރޭގައި 6 ބިލް ނިންމައެއް ނުލެވޭނެ!
 
މި ދައުރަށް ސަރުކާރުގެ ފަރާތުން 30 ބިލް ފޮނުވާނެ
 
ކޮމެޓީން ވަނީ ކަމާބެހޭ މިނިސްޓްރީ ތަކާއެކު ބައްދަލުވުމެއް ބޭއްވުމަށް ނިންމައިފައި

ސާދަ ދުވަހުގެ ތެރޭގައި 6 ބިލެއްގެ މަސައްކަތް ނިންމާނުލެވޭނެ ކަމަށާއި އެކަމަށް އިތުރު ވަގުތު ނަގާނެކަމަށް ބުނެ ރައްޔިތުންގެ މަޖިލީހުގެ ތަރައްޤީއާއި ތަރިކައިގެ ކޮމެޓީގެ މެމްބަރުން ކަންބޮޑުވުން ފާޅުކޮށްފިއެވެ.

އާދިއްތަ ދުވަހުގެ މެންދުރު ފަހު ބޭއްވި ކޮމެޓީގެ ބައްދަލުވުމުގައި ، ކޮމެޓީގެ މުޤައްރިރު ބާރަށު ދާއިރާގެ މެމްބަރު އަޙްމަދު ޢަބްދުﷲ ވަނީ ދައުލަތުން 6 ބިލެއް ނިންމުމަށް ވަކި މުއްދަތެއް ކަނޑައަޅައިފައިވާކަމަށް ވިދާޅުވެފައެވެ.

އެގޮތުން ކޮމެޓީއަށް ޙާޟިރުވެވަޑައިގެންނެވި މެމްބަރުން ވަނީ ހުރިހާ ބިލެއް ޑްރާފްޓްކޮށް އެ ކަނޑައެޅިފައިވާ މުއްދަތުގައި ނިންމުމަކީ ވަރަށް އުނދަގޫކަމެއްކަމަށް ވިދާޅުވެފައެވެ. އަދި ބިލްތައް ނިންމުމަށް ވަގުތު ކަނޑައަޅާއިރު ، ލަސް ވެދާނެކަމަށް އިތުރު ވަގުތު ކަނޑައަޅަން ދޭންޖެހޭ ކަމަށްވެސް މެމްބަރުން ފާހަގަ ކުރެއްވިއެވެ.

އެގޮތުން ، ރައްޔިތުންގެ މަޖިލީހުގެ ތުލުސްދޫ ދާއިރާގެ މެމްބަރު އިބްރާހިމް ނަސީރު ވިދާޅުވީ 6 ބިލެއް ނިންމަން ދީފައިވާއިރު ،ކޮމެޓީން މެމްބަރުންތަކެއް ލީޑް ކުރާ ގޮތަށް ވަކި ވަކި ބިލްތަކެއް ޙަވާލުކުރުމުން އެ މަސައްކަތް ހަލުވި ސްޕީޑެއްގައި ނިމޭނެކަމަށެވެ.

މިކަމަށް އެއްވެސް މެމްބަރަކު ތާއީދު ކޮށްފައިނުވާއިރު ، ޙާޟިރުވެވަޑައިގެން ތިއްބެވި ހުރިހާ މެމްބަރުންވެސް ވަނީ ކަމާއި ބެހޭ އިދާރާތަކާއި ބައްދަލުކޮށް އެކަމާއި މަޝްވަރާކުރުމަށް ނިންމާފައެވެ. މިއަދު ބޭއްވި ކޮމެޓީގެ ބައްދަލުވުން ނިންމާފައިވަނީ އިޖްތިމާޢީ ކޮމެޓީީ އާއި ތަރައްޤީ އާއި ތަރިކައިގެ ކޮމެޓީގެ ބައްދަލުމެއް ހޯމަ ދުވަހު ބޭއްވުމަށް ވިދާޅުވެފައެވެ.

ދައުރު ފެށި ޖަލްސާގެ ރިޔާސަތު ބަލަހައްޓަވަމުން މަޖިލީހުގެ ރައީސް މުހައްމަދު ނަޝީދު ވިދާޅުވީ މި ދައުރަށް ސަރުކާރުގެ ފަރާތުން 30 ބިލް ފޮނުވާނެ ކަމުގެ އިޝާރާތެއް ކުރައްވާފައިވާ ކަމަށާއި، އޭގެ ތެރެއިން އެޖެންޑާ 19 އިގެ ތެރެއިން އެމްޑީޕީގެ ފަރާތުން 18 ބިލެއް، މި ދައުރަށް ފޮނުވާނެ ކަމަށެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ޒިހްނަތު ހަސަން
0%
0%
0%
0%
0%
0%
ކޮމެންޓް