ހޮނިހިރު 19 އޮކްޓޯބަރ 2019
02 ހެއި
1441 ސަފަރު 20
ފަތިސް 04:37
އިރުއަރާ 05:49
މެންދުރު 11:55
އަސްރު 15:10
މަޣްރިބް 17:53
އިޝާ 19:05
ކުޅިވަރު - ހޫގޯ ލޮރިސް

އުޅަނބޮށީގެ ކަށިގަނޑު ދުރުވެ، ލޮރިސް ކުޅުމާ ދުރަށް!

  • ލޮރިސްއަށް އަނިޔާވީ ބްރައިޓަންއާ ދެކޮޅަށް ކުޅުނު މެޗުގައި

ލީވާން އަލީ
MrLeevaan

ކ. މާލެ 6 އޮކްޓޯބަރ 2019 | އާދީއްތަ 18:27 5,239

ހޫގޯ ލޮރިސް - ގެޓީ އިމޭޖާސް

އުޅަނބޮށީގެ ކަށިގަނޑު ދުރުވެ، ޓޮޓްނަމް ހޮޓްސްޕާއަށް ކުޅެމުން އަންނަ ފްރާންސްގެ ކީޕަރ ހޫގޯ ލޮރިސް ކުޅުމާ ދުރަށް ދާން ޖެހިއްޖެއެވެ.

ލޮރިސްއަށް އަނިޔާވީ ހޮނިހިރު ދުވަހުގެ ރޭ ޕްރިމިއާ ލީގުގައި ބްރައިޓަން އަތުން 0-3 ގެ ނަތީޖާއިން ޓޮޓްނަމް ބަލިވި މެޗު ފެށިގެން ތިންވަނަ މިނެޓުގައެވެ.

ބޯޅަ ހިފަން އުޅުމުގެ ތެރޭގައި ބިންމައްޗަށް ވެއްޓި ލޮރިސްގެ ވައަތު އުޅަނބޮށީގެ ކަށިގަނޑު ދުރުވެފައިވާއިރު، އޭނާއަށް ދަނޑުމަތިން ފަރުވާ ދިނުމަށްފަހު ބަދަލު ކީޕަރ ޕައުލޯ ގެޒާނިގާއާ ވަނީ ބަދަލުކޮށްފައެވެ. އަދި އޭނާ ވަނީ ވަގުތުން ހޮސްޕިޓަލަށް ފޮނުވާލާފައެވެ.

މެޗަށްފަހު ޓޮޓްނަމްގެ ކޯޗު މައުރީސިއޯ ޕޮޗެޓީނޯ ބުނީ، ހޮސްޕިޓަލުން ލިބުނީ އުފާވެރި ޚަބަރެއް ނޫން ކަމަށެވެ. އިތުރު ތަފުޞީލެއް އޭނާ ދީފައެއް ނުވެއެވެ.

ނަމަވެސް ޓޮޓްނަމުން ނެރުނު ބަޔާނުގައި ލޮރިސްގެ އަތަށް ލިބުނު އަނިޔާއަށް ފަރުވާ ދެމުން އަންނަ ކަމަށާއި، އަނިޔާއިން އޭނާ ސަލާމަތްވާނެ ދުވަހެއް ހަފުތާއެއްގެ ތެރޭގައި ހާމަކުރާނެ ކަމަށް ބުނެފައިވެއެވެ.

މި ސީޒަނުގައި ޓޮޓްނަމްއަށް ލޮރިސް 8 މެޗު ކުޅެފައިވާއިރު، އޭނާއަށް 2020 ވަނަ އަހަރު އޮންނަ ޔޫރޯ މުބާރާތުގެ ކޮލިފައިންގައި އައިސްލޭންޑް އަދި ތުރުކީއާ ދެކޮޅަށް ފްރާންސް ކުޅޭ މެޗުގައި ނުކުޅެވޭނެއެވެ.

ލޮރިސްއަށް ލިބުނު އަނިޔާއާއެކު ގިނަ ޢަދަދެއްގެ ފުޓުބޯޅަ ސަޕޯޓަރުން އަދި ކުޅުންތެރިން އަންނަނީ އޭނާ ފަހަތުގައި ތިބިކަން ހާމަކޮށް އަވަސް ޝިފާއަކަށް އެދެމުންނެވެ.

މިހާތަނަށް ޓޮޓްނަމްއަށް 300 މެޗު ކުޅެފައިވާ ލޮރިސް ވަނީ އެޓީމާއެކު ފުޓްބޯލް ލީގް ކަޕްގެ ދެވަނަ އަދި ޔުއެފާ ޗެމްޕިއަންސް ލީގުގެ ދެވަނަ ހޯދާފައެވެ.

ފްރާންސް ޤައުމީ ޓީމާއެކު ފީފާ ވޯލްޑް ކަޕް 2018 ވަނަ އަހަރު ކާމިޔާބުކޮށްފައިވާ ލޮރިސް ވަނީ ޤައުމީ ޓީމަށް މިހާތަނަށް 113 މެޗު ކުޅެފައެވެ. އަދި އޭނާ ވަނީ މިދިޔަ އަހަރު ފީފާގެ ދެވަނައަށް އެންމެ މޮޅު ގޯލު ކީޕަރގެ މަޤާމު ހޯދާފައެވެ.

އެންމެ ފަހުން އަޕްޑޭޓް ކުރީ: 2 ހަފްތާކުރިން | ރިވިއު ކުރީ: ޒިހްނަތު ހަސަން

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް