ގޯއާ މެރިޓައިމް ކޮންކްލޭވްގައި ޗީފް އޮފް ޑިފެންސް ފޯސް ތަޤުރީރުކުރައްވަނީ
4 އޮކްޓޯބަރު 2019 | ހުކުރު 18:35ޗީފް އޮފް ޑިފެންސް ފޯސް ތަގުރީރު ކުރެއްވުމަށް ހަމަޖެހިފައިވަނީ ހޮނިހިރު ދުވަހު
ޗީފް އޮފް ޑިފެންސްފޯސް މޭޖަރ ޖެނެރަލް އަބްޑުﷲ ޝަމާލް
އިންޑިއާގެ ގޯއާގައި ކުރިއަށްދާ ދެވަނަ ގޯއާ މެރިޓައިމް ކޮންކްލޭވްގައި ޗީފް އޮފް ޑިފެންސް ފޯސް މޭޖަރ ޖެނެރަލް ޢަބްދު ﷲ ޝަމާލް، ހޮނިހިރު ދުވަހު ތަޤުރީރުކުރައްވާ ގޮތަށް ހަމަޖެހިއްޖެއެވެ.
ގޯއާ މެރިޓައިމް ކޮންކްލޭވްގެ މިފަހަރުގެ ތީމަކީ "ކޮމަން މެރިޓައިމް ޕްރިއޯރިޓީސް އިން އިންޑިއަން އޯޝަން ރީޖަން އެންޑް ނީޑް ފޯރ ރީޖަނަލް މެރިޓައިމް ސެކިޔުރިޓީ" އެވެ.
މިމަހުގެ 3 އިން 5 ވަނަ ދުވަހުގެ ނިޔަލަށް ކުރިޔަށްދާ މި ކޮންކްލޭވްގައި އިންޑިއަން އޯޝަން ރީޖަންއަށް ނިސްބަތްވާ ވަރަށް ގިނަ ޤައުމުތަކުގެ ނޭވީ ޗީފުންގެ އިތުރުން މެރިޓައިމް ސެކިއުރިޓީ އަދި މެރިޓައިމް ސްޓްރެޓެޖީގެ އެކްސްޕާރޓުންނާއި ސްކޮލާރސްއިން ބައިވެރިވެވަޑައިގަންނަވައެވެ.
މި ކޮންކްލޭވްގައި އިންޑޮނޭޝިއާ، މެލޭޝިއާ، ސިންގަޕޯރ، ތައިލޭންޑުގެ އިތުރުން ބަންގުލަދޭޝް، މިޔަންމާ، ސްރީލަންކާ އަދި ދިވެހިރާއްޖެ، ސީޝެލްސް، މޮރިސަސްގެ އިސް ބޭފުޅުން ބައިވެރިވެވަޑައިގަންނަވައެވެ.
ޗީފް އޮފް ޑިފެންސް ފޯސްގެ މިދަތުރުފުޅުގައި ވަނީ ގޯއާ މެރިޓައިމްގެ އިސްވެރިއެއް ކަމަށްވާ ކަރަމްބީރު ސިންގް އާއި ވެސް ބައްދަލު ކުރައްވާފައެވެ.
