އީސީގެ މެމްބަރު ކަމަށް ފުއާދާއި އަމްޖަދު ހިމެނޭ ގޮތަށް ހަތަރު ނަމެއް
3 އޮކްޓޯބަރު 2019 | ބުރާސްފަތި 06:26އަމްޖަދު މުސްތަފާގެ ދައުރު އަންނަ މަހުގެ 24 ވަނަ ދުވަހު ހަމަވާނެ
އީސީގެ ނައިބު ރައީސް އަމްޖަދު މުސްތަފާ
އިލެކްޝަންސް ކޮމިޝަން(އީސީ)ގެ މެމްބަރު ކަމަށް ކުރިމަތި ލެއްވި ބޭފުޅުންގެ ތެރެއިން ރައީސް އިބްރާހިމް މުހައްމަދު ސޯލިހަށް ފެނިވަޑައިގަންނަވާ ހަތަރު ނަންފުޅެއް ރައްޔިތުންގެ މަޖިލީހަށް ފޮނުއްވައިފިއެވެ.
އީސީގެ މެމްބަރުކަމަށް 10 ބޭފުޅުން ކުރިމަތި ލައްވާފައިވާއިރު އޭގެ ތެރެއިން ރައީސަށް ފެނިވަޑައިގަންނަވާ ހަތަރު ނަމެއް ރައްޔިތުންގެ މަޖިލީހުގެ ބުދަ ދުވަހުގެ ޖަލްސާގައ ވަނީ އިއްވާފައެވެ. އޭގެ ތެރޭގައި އެންމެ ފުރަތަމަ ނަމެއްގެ ގޮތުގައި ހިމަނުއްވާފައިވަނީ އީސީގެ ކުރީގެ ރައީސް ފުއާދު ތައުފީގުގެ ނަމެވެ. ދެވަނަ ނަމަކަށް އީސީގެ މިހާރުގެ ނައިބު ރައީސް އަމްޖަދު މުސްތަފާގެ ނަން ވަނީ ހިމަނުއްވާފައެވެ.
އީސީގެ މެންބަރު ކަމަށް ކުރިމަތިލާން ހުޅުވާލީ އެ ކޮމިޝަންގެ ނައިބު ރައީސް އަމްޖަދު މުސްތަފާގެ ދައުރު އަންނަ މަހުގެ 24 ވަނަ ދުވަހު ހަމަވާތީއެވެ.
ރައީސް ސޯލިހަށް ފެނިވަޑައިގަންނަވާ ފުރަތަމަ ނަން ފުޅަކަށް ފުއާދުގެ ނަން ހިމަނުއްވާފައިވާއިރު އޭނާ ވަނީ މީގެ ކުރިން ރައްޔިތުންގެ މަޖިލީީހަށް އަމިއްލަ ގޮތުން ވާދަ ކުރައްވާފައެވެ.
