ކުޅުނު ހުރިހާ މެޗެއް ކާމިޔާބުކޮށް ކޭވައިއާރުސީ އިން ޗެމްޕިއަންކަން ހޯދައިފި
1 އޮކްޓޯބަރު 2019 | އަންގާރަ 12:20ކޭވައިއާރުސީ އިން ފައިނަލުގައި ޒެނިތު ބަލިކޮށްފައިވަނީ 55-34 ޕޮއިންޓުން މެޗު ކާމިޔާބުކޮށްގެން
ނެޓްބޯޅަ ޗެމްޕިއަންޝިޕްގެ ތެރެއިން
ނެޓްބޯޅަ އެސޯސިއޭޝަނުން ބާއްވާ ނެޓްބޯޅަ އެސޯސިއޭޝަން ޗެމްޕިއަންޝިޕްގައި ކުޅުނު ހުރިހާ މެޗެއް ކާމިޔާބުކޮށް ކޭވައިއާރުސީ އިން ތަށި ކާމިޔާބުކޮށްފިއެވެ.
މުބާރާތުގެ ހުރިހާ މެޗެއް ކާމިޔާބުކޮށް ފައިނަލަށް ދަތުރުކުރި ކޭވައިއާރުސީ އިން ފައިނަލުގައި ޒެނިތު ބަލިކޮށްފައިވަނީ 55-34 ޕޮއިންޓުން މެޗު ކާމިޔާބުކޮށްގެނެވެ.
ސޯޝަލް ސެންޓަރުގައި ހޯމަ ދުވަހުގެ ރޭ ކުޅުނު ފައިނަލުގައި ޒެނިތާއި ދެކޮޅަށް ކޭވައިއާރުސީ އިން ވަނީ މޮޅު ކުޅުމެއްދައްކައިފައެވެ. މިއީ ޒެނިތުން މި މުބާރާތުގައި ބަލިވި ހަމައެކަނި މެޗެވެ.
ފައިނަލު މެޗުގެ މޮޅު ކުޅުންތެރިޔަކަށް ހޮވިގެންދިޔައީ ކޭވައިއާރުސީގެ ރާޝިދާ މޫސާއެވެ. މުޅި މުބާރާތުގެ އެންމެ މޮޅު ކުޅުންތެރިޔަކަށް ހޮވިގެންދިޔައީ ވެސް އޭނާއެވެ.
ސެޕްޓެމްބަރު މަހުގެ 18 އިން 30 ގެ ނިޔަލަށް ކުރިޔަށްދިޔަ މި މުބާރާތުގައި 7 ޓީމަކުން ވާދަކުރިއިރު އެޓީމު ތަކަކީ ސްކައިލާކް، ޔުނައިޓެޑް ޔުނިޓީ، ޒެނިތު، ޔޫތް ޔުނައިޓެޑް، ކޭވައިއާރުސީ، މެޓްރިކްސް އަދި ޝައިނިންގް ސްޓާއެވެ.
