ކޮރަޕްޝަންގެ ތުހުމަތުގައި ކަސްޓަމްސްގެ އިސް މުވައްޒަފަކު މަގާމުން ވަކިކޮށް ޖިނާއި ދައުވާ ކުރަނީ
29 ސެޕްޓެމްބަރު 2019 | އާދީއްތަ 17:40ވަކި ކޮށްފައިވަނީ މިދިޔަ ހަފްތާގައި
ކަސްޓަމްސްގެ މުވައްޒަފުންތަކެއް
ކޮރަޕްޝަނުގެ މައްސަލައެއްގައި ކަސްޓަމްސްގެ އިސް މަގާމެއްގައި ހުންނެވި މުވައްޒަފަކު މަގާމުން ވަކިކޮށް ޖިނާއި ދައުވާކުރަން ނިންމައިފިއެވެ.
އެކަމާއި ގުޅޭ ގޮތުން ރާއްޖެ.އެމްވީ އަށް މައުލޫމާތު ދެއްވަމުން ކަސްޓަމްސްގެ މީޑިއާ އޮފިސަރު ފާތިމަތު ޝިފާޒާ ވިދާޅުވީ، ކޮރަޕްޝަންއާ ގުޅުންހުރި މައްސަލައެއްގައި މިދިޔަ ހަފްތާގައި އެ އިދާރާގެ މުވައްޒަފަކު ވަޒީފާއިން ވަކި ކޮށްފައިވާ ކަމަށެވެ. އައި އެ މައްސަލަ ތަހުގީގު ކުރުމަށް ފަހު ދައުވާކުރަން ޕްރޮސެކިއުޓާ ޖެނެރަލްގެ އޮފީހަށް ފޮނުވަން ނިންމާފައިވާ ކަމަށެވެ. އިތުރު މައުލޫމާތެއް ހާމައެއް ނުކުރެއެވެ.
ރާއްޖެ.އެމްވީ އަށް އެނގިފައިވާގޮތުން ކަސްޓަމްސްގެ ޕްރޮސީޖަރގެ ތެރެއިން ވަކި ބަޔަކަށް ފާއިދާ ހޯދާ ދޭން އުޅުނު މައްސަލަ އެއް ބެލުމަށް ފަހު ކަސްޓަމްސްގެ އިސްވެރިއަކު މަގާމުން ވަކިކޮށްފައިވެއެވެ.
މި ސަރުކާރުން ކޮރަޕްޝަނަށް ގެންގުޅެނީ ޒީރޯ ޓްލެރެންސްއެވެ. އެގޮތުން މީގެ ކުރިން ވެސް ސަރުކާރު ތެރޭގައި ކޮރަޕްޝަނަށް މަގުފައިވާ ގޮތަށް މަސައްކަތް ކޮށްފައިވާ ބައެއް ފަރާތްތަކުގެ މައްސަލަ ވަނީ ބަލާފައެވެ.
