ރާއްޖޭގެ ލައިސަންސް މެލޭޝީއާގައި ބޭނުންކުރެވޭ ގޮތް ހަދަނީ
29 ސެޕްޓެމްބަރު 2019 | އާދީއްތަ 08:08އެއްބަސްވުމުގެ ދަށުން މެލޭޝިއާގެ ލައިސަންސް ރާއްޖޭގައި ބޭނުންކުރެވޭނެ
މެލޭޝިއާގެ ޓްރާންސްޕޯޓް މިނިސްޓަރ ސޮއި ފޫކް އާއި މިނިސްޓަރ ނަހުލާ
ރާއްޖޭގެ ޑްރައިވިންގް ލައިސަންސް މެލޭޝިއާގައި ބޭނުންކުރެވޭފަދަ އެއްބަސްވުމެއްގައި ދެ ގައުމުން ސޮއި ކުރުމާއި ގުޅޭ ގޮތުން މެލޭޝިއާގެ ޓްރާންސްޕޯޓް މިނިސްޓަރ ސިއު ފޫކް އާއު މިނިސްޓަރ އޮފް ޓްރާންސްޕޯޓް އެންޑް ސިވިލް އޭވިއޭޝަން އައިޝަތު ނަހުލާ ބައްދަލުކުރައްވައިފިއެވެ.
ކެނެޑާގެ މޮންޓްރިއާލްގައި މިހާރު ކުރިޔަށްދާ އައިކާއޯ ޖެނެރަލް އެސެމްބްލީގެ ހަވާސާގެ ތެރެއިން ބޭއްވި ބައްދަލުވުމުގައި ދެ ގައުމުގައި މިއުޗުއަލް ރެކޮގްނިޝަން އެގްރީމެންޓެއްގައި ސޮއި ކުރުމާއި ގުޅޭ ގޮތުން ވަނީ މަޝްވަރާކޮށް ، ވަރަށް އަވަސް މުސްތަގްބަލެއްގައި މި އެއްބަސްވުމުގައި ސޮއި ކުރައްވާނެކަމަށް ވިދާޅުވެފައެވެ. މި އެއްބަސްވުމުގެ ދަށުން މެލޭޝިއާގެ ލައިސަންސް ރާއްޖޭގައި ބޭނުންކުރެވޭއިރު ދިވެހ ލައިސަންސް މެލޭޝިއާގައި ބޭނުންކުރެވޭނެއެވެ.
މީގެއިތުރުން ، މި ބައްދަލުވުމުގައި ދިވެހި ދަރިވަރުން މެލޭޝއާގައި ހަދާ އޭވިއޭޝަން ދާއިރާއާއި ގުޅުން ހުރި ކޯސްތަކަކީ ބައިނަލްއަގްވާމީ ގޮތުން ގަބޫލުކުރެވޭ ފެނވްޗަރުފެ ކޯސްތަކަކަށް ހެދުމާއި ގުޅޭ ގޮތުންވެސް މަޝްވަރާކުރައްވާފައެވެ. އަދި މެލޭޝިއަން އޭވިއޭޝަން އެކެޑެމީގައި އޭޓީސީ ޓްރެއިނިންގްގެ އިތުރު ފުރުސަތުތައް ދިވެހިންނަށް ހޯއްދަވައި ދެެއްވާނެކަމަށް މެލޭޝިއާގެ ޓްރާންސްޕޯޓް މިނިސްޓަރ ވަނީ ވިދާޅުވެފައެވެ.
މި ބައްދަލުވުމުގައި ވަނީ ރާއްޖޭގެ އޭވިއޭޝަން ދާއިރާ އާއި އެއްގަމު ދަތުރު ފަތުރާއި ގުޅޭ ގޮތުން އިިތުރަށް ރާއްޖެއަށް އެހީތެރިވުމުގެ ގޮތުން އެމްއޯޔޫއެއްގައި ސޮއި ކުރެއްވުމާއި ގުޅޭގޮތުންވެސް ވަނީ މަޝްވަރާކުރައްވާފައެވެ.
