ލ.މާމެންދޫގައި އަލަށް އިމާރާތްކުރާ އިންޖީނުގޭގެ ބިންގާ އަޅައިފިއެވެ.

މާމެންދޫގައި އަލަށް އިމާރާތް ކުރެވޭ އިންޖީނު ގޭގެ ބިންގާ އަޅައިދެއްވީ ރައްޔިތުންގެ މަޖިލީހުގެ ފޮނަދޫ ދާއިރާގެ މެމްބަރު މޫސާ ސިރާޖާއި ފެނަކަ ކޯޕަރޭޝަންގެ މެނޭޖިން ޑިރެކްޓަރު އަހުމަދު ސައީދެވެ.

ތިން މަސް ދުވަހުގެ ތެރޭގައި ނިންމާ ގޮތަށް މިމަސައްކަތް ހަވާލުކުރީ ސެންޓިސަސް ޕްރައިވެޓް ލިމިޓެޑާއެވެ. މިމަޝްރޫއުގެ އަގަކީ 5.29 މިލިއަން ރުފިޔާއެވެ.

ފެނަކައިން ބުނީ މި އަހަރުގެ ތެރޭގައި އިންޖީނުގެ އެޅުމުގެ 30 މަޝްރޫއު ފަށާނެ ކަމަށެވެ. އެގޮތުން މާމެންދޫގެ މަޝްރޫއަކީ މިއަހަރު ތެރޭ ހަދައި 18 ވަނަ އިންޖީނުގެ އެޅުމުގެ މަޝްރޫއު ކަމަށް ފެނަކައިން މައުލޫމާތުދެއެވެ.