''ހައުސްފުލް 4'' ގެ ޓްރެއިލަރ ނެރެފި

ސިލްސިލާކޮށް ނެރެމުންއަންނަ ހެއްވާ މަޖާ ހިންދީ ފިލްމު ސީރީސް ހައުސްފުލްގެ ހަތަރު ވަނަ ފިލްމު ''ހައުސްފުލް 4'' ގެ ޓްރެއިލަރ ނެރެފިއެވެ.

އެ ޓްރެއިލަރ އިން ފެނިގެންދަނީ އަކްޝޭ ކުމާރް، ރިތޭޝް ދޭޝްމުކް، ކްރިތީ ސެނޯން، ބޮބީ ޑިއޯލް، ޕޫޖާ ހޭގްގެ އިތުރުން ކްރިތީ ހަރްބަންދާ އެވެ.

އެ ފިލްމުގައި ދައްކުވައިދެނީ މީގެ 600 އަހަރު ކުރީގައި ހިނގާފައިވާ ކަންތައްތަކެވެ. އެގޮތުން ފެނިގެންދަނީ ރަންޖީތް ކިޔާ ރަސްގެފާނަކު އޭނާގެ ތިން އަންހެން ދަރިން ކަމަށްވާ ކްރިތީ، ޕޫޖާ އަދި ހަރްބަންދާ އަށް ކައިވެެނިކުރާނެ ފިރިހެނުން ހޯދުމަށް ކުރާ މަސައްކަތެވެ. ފިލްމުން ކްރީތީ އާއި އަކްޝޭ ރައްޓެހިވާއިރު ބޮބީ ރައްޓެހިވަނީ ކްރިތީ ހަރްބަންދާއާ އެވެ. އަދި ޕޫޖާ އާއި ރިތޭޝް ރައްޓެހިވެއެވެ.

އެ ފިލްމުގައި ބާހުބަލީ ފެނިގެން ދިޔަ ރާނާ ދައްގުބަތީއާ ސެކްރެޑް ގޭމްސް ސީރީސް ކުޅެފައިވާ ނަވާޒުއްދީންގެ ފެނިލުމެއް ފެނިގެންދާނެއެވެ.

މި އަހަރުގެ އޮކްޓޫބަރު މަހުގެ 25 ވަނަ ދުވަހު ނެރެން ހަމަޖެހިފައިވާ ''ހައުސްފުލް 4'' އަކީ 75 ކްރޯޑުގެ ބަޖެޓަކުން ހަދާފައިވާ ފިލްމެކެވެ.