ރާއްޖެ
ޕްލޭނިން މިނިސްޓްރީ
މާލޭގެ އުތުރު ފަރާތު ބަނދަރުގެ މާސްޓަރ ޕްލޭން ހަދަން ކުންފުންޏަކާ ހަވާލުކޮށްފި
މިމަސައްކަތަށް 650,000 ޔޫއެސް ޑޮލަރު ހޭދަވާނެ
އަމްނާ އިމާދު, ރާއްޖެ އެމްވީ | 19 ސެޕްޓެމްބަރު 2019 | ބުރާސްފަތި 03:12
އެއްބަސްވުމުގައި ސޮއިކުރި ރަސްމިއްޔާތުގެ ތެރެއިން
ގުޅީފަޅު އަދި މާލެ ހުޅަނގު އުތުރު ޕޯޓު ސަރަހައްދު ތަރައްގީ ކުރުމުގެ މާސްޓަރ ޕްލޭން ފަރުމާކުރުމަށް ކުންފުންޏަކާ ހަވާލުކޮށްފިއެވެ.
މާސްޓަރ ޕްލޭން ފަރުމާކުރުމަށް ހަވާލުކުރީ ސިންގަޕޫރުގެ އެޗް.ކިއު ކުންފުންޏާއެވެ.
ޕްލޭނިން މިނިސްޓްރީން ބުނީ 650,000 ޔޫއެސް ޑޮލަރަށް މިޕްލޭން އެކުލަވާލުމުގެ މަސައްކަތް ހަވާލުކުރީ 08 މަސް ދުވަހުގެ ތެރޭގައި ނިންމާ ގޮތަށް ކަމަށެވެ.
މި އެއްބަސްވުމާ ގުޅޭ ގޮތުން މިނިސްޓްރީން ބުނީ އިމްޕޯޓު މުދާ އަރުވާ ބޭލުމުގެ ކާރޫބާރޫއިން މާލެ ސަލާމަތް ކުރެވި، ގުދަންކުރުން ފަދަ ކަންކަން ގުޅީފަޅަށް ބަދަލުކުރެވި، ހުސް އަދި ހިތްފަސޭހަ ޖާގަ މާލޭގައި އިތުރުކުރެވޭނެ ކަމަށެވެ.
