ޅ.ނައިފަރު އުތުރު ސިނާއީ ސަރަހައްދުން ބިން ކުއްޔަށް ދޫކުރުމަށްށާއި، ވަޑާންގެ ވާރކްޝޮޕް ފަދަ ތަންތައް ހެދުމަށް ބިން ދޫކުރުމަށް އެރަށުގެ ކައުންސިލުން ނިންމައިފިއެވެ.

ނައިފަރު ކައުންސިލުން ބުނީ ނައިފަރު އުތުރު ސިނާއީ ސަރަހައްދުން ކުރިން ކުއްޔަށް ދޫކުރެވި، ނަމަވެސް މިހާރު ހުސްކޮށްހުރި ބިންތައް ކުއްޔަށް ހިފުމަށް ބިޑް ހުށަހެޅުމުގެ ފުރުސަތު ހުޅުވާލާފައިވާ ކަމަށެވެ.

ކައުންސިލުން ބުނީ 12 ސެޕްޓެމްބަރ އިން ފެށިގެން 22 ސެޕްޓެމްބަރގެ 12:00 އާއި ހަމައަށް ކައުންސިލްގެ އިދާރާއިން ބިޑް ޑޮކިއުމެންޓްސް ގަންނަން ލިބޭނެ ކަމަށެވެ. އަދި ބިޑް ޑޮކިއުމެންޓްސް ވިއްކާނީ ކޮންމެ ދުވަހެއްގެ ވެސް 9:00 އިން 12:00 އަށް ކައުންސިލް އިދާރާއިން ކަމަށެވެ.

މީގެ އިތުރުން ކައުންސިލުން ބުނީ ބިޑްގަތުމަށް ހާޒިރުވުމަށް އުޒުރުވެރިވާ ފަރާތްތަކުން ބަދަލުގައި މީހަކު ފޮނުވައިގެން ބިޑް ޑޮކިއުމެންޓްސް ގަނެވޭނެ ކަމަށާއި، ބިޑް ހުށަހެޅޭނީ ބިޑްގަނެފައިވާ މީހާގެ ނަމުގައި ކަމަށެވެ. އަދި ބިޑް ޑޮކިއުމެންޓެއްގެ އަގަކީ 50.00 ރުފިޔާއެވެ.

ކައުންސިލުން ބުނީ މި ބިޑާއި ގުޅިގެން ބޭއްވޭ ޕްރީ ބިޑް މީޓިންގ އޮންނާނީ 22 ސެޕްޓެމްބަރ 2019 ވަނަ ދުވަހުގެ 12:30 ގައި ކައުންސިލްގެ އިދާރާގަ ކަމަށެވެ. ޕްރީ ބިޑް މީޓިންގް އަށް ބިޑް ޑޮކިޔުމެންޓްސް ގެންނަންޖެހޭ ކަމަށާއި، ބިޑް ޑޮކިއުމެންޓްސް ގަންނަ ފަރާތްތަކުގެ ތެރެއިން ޕްރީ ބިޑް މީޓިންގްއަށް ހާޒިރުނުވާ ފަރާތްތަކަށް ވެސް ބިޑް އޯޕެން މީޓިންގްގައި ބައިވެރިވެވޭނެ ކަމަށެވެ.

ކައުންސިލުން ބުނީ ބިޑް ޑޮކިއުމެންޓްސް ގަންނަ ފަރާތްތަކުން، ބިޑްހުށަހަޅާ ފޯރމް ފުރިހަމަކޮށް ހުށަހެޅުން އޮންނާނީ 29 ސެޕްޓެމްބަރ 2019 ވަނަ ދުވަހުގެ 11:00 ގައި ކައުންސިލްގެ އިދާރާއަށް ކަމަށެވެ.

ވަޑާންގެ ވާރކްޝޮޕް ފަދަ ތަންތައް ހެދުމަށް ބިން ދޫކުރުމާ ބެހޭ ގޮތުން ކައުންސިލުން ބުނީ 12 ސެޕްޓެމްބަރ އިން ފެށިގެން 22 ސެޕްޓެމްބަރގެ 12:00 އާއި ހަމައަށް ކައުންސިލްގެ އިދާރާއިން ބިޑް ޑޮކިއުމެންޓްސް ގަންނަން ލިބޭނެ ކަމަށާއި، ބިޑް ޑޮކިއުމެންޓްސް ވިއްކާނީ ކޮންމެ ދުވަހެއްގެ ވެސް 9:00 އިން 12:00 އަށް ނައިފަރު ކައުންސިލްގެ އިދާރާއިން ކަމަށެވެ.

ކައުންސިލުން ބުނީ ބިޑްގަތުމަށް ހާޒިރުވުމަށް އުޒުރުވެރިވާ ފަރާތްތަކުން ބަދަލުގައި މީހަކު ފޮނުވައިގެން ބިޑް ޑޮކިއުމެންޓްސް ގަނެވޭނެ ކަމަށާއި، ބިޑް ހުށަހެޅޭނީ ބިޑްގަނެފައިވާ މީހާގެ ނަމުގައި ކަމަށެވެ. އަދި ބިޑް ޑޮކިއުމެންޓެއްގެ އަގަކީ 50.00 ރުފިޔާއެވެ.

ކައުންސިލުން ބުނީ މި ބިޑާއި ގުޅިގެން ބޭއްވޭ ޕްރީ ބިޑް މީޓިންގ އޮންނާނީ 22 ސެޕްޓެމްބަރ 2019 ވަނަ ދުވަހުގެ 13:30 ގައި ކައުންސިލްގެ އިދާރާގައި ކަމަށާއި، ޕްރީ ބިޑް މީޓިންގް އަށް ދާއިރު، ބިޑް ޑޮކިޔުމެންޓްސް ގެންނަވަން ވާނެ ކަމަށެވެ. އަދި ބިޑް ޑޮކިއުމެންޓްސް ގަންނަ ފަރާތްތަކުގެ ގެތެރެއިން ޕްރީ ބިޑް މީޓިންގްއަށް ހާޒިރުނުވާ ފަރާތްތަކަށްވެސް ބިޑް އޯޕެން މީޓިންގްގައި ބައިވެރިވެވޭނެ ކަމަށެވެ.

ކައުންސިލުން ބުނީ ބިޑް ޑޮކިއުމެންޓްސް ގަންނަ ފަރާތްތަކުން، ބިޑްހުށަހަޅާ ފޯރމް ފުރިހަމަކޮށް ހުށަހެޅުން އޮންނާނީ 29 ސެޕްޓެމްބަރ 2019 ވަނަ ދުވަހުގެ 12:00 ގައި ކައުންސިލް އިދާރާއިން ކަމަށެވެ.