ދީނަށް ފުރައްސާރަ ކުރި މީހަކު ހައްޔަރުކޮށްފި
11 ސެޕްޓެމްބަރު 2019 | ބުދަ 03:09އެމީހާ ވަނީ އިސްލާމްދީނާ ދެކޮޅަށް މަސައްކަތް ކުރާނެ ކަމަށް ބުނެފައި
އަމްނާ އިމާދު | 11 ސެޕްޓެމްބަރު 2019 | ބުދަ 03:09
ފުލުހުންގެ އިދާރާ
އިސްލާމް ދީނަށް ފުރައްސާރަ ކުރި މީހަކު ހައްޔަރުކޮށްފިއެވެ.
ފުލުހުން ބުނީ ގދ.ތިނަދޫއަށް ނިސްބަތްވާ އެމީހާ ހައްޔަރުކުރީ ދީނަށް ފުރައްސާރަކޮށް، ސޯޝަލް މީޑިއާގައި ގިނަ އެއްޗެހިތައް ލިޔަމުންދާތީ ކޯޓު އަމުރެއްގެ ދަށުން ކަމަށެވެ.
ނަމަވެސް އެކަމާއި ގުޅޭ އިތުރު ތަފްސީލެއް ހާމައެއް ނުކުރެ އެވެ.
ހައްޔަރުކުރި މީހާ ވަނީ މާތް ﷲ އާއި ރަސޫލާއަށް ބަދު ބަސްތައް ބުނެފައި ވެއެވެ. އަދި އިސްލާމް ދީނާ ދެކޮޅަށް މަސައްކަތް ފަށާފައިވާ ކަމަށް ވެސް ބުނެފައި ވެއެވެ.
މިމައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
