ބާރ ކައުންސިލުގެ ސެކްރެޓަރީ ޖެނެރަލް ކަމަށް ޑރ. ޖަބީން އައްޔަންކުރައްވައިފި
9 ސެޕްޓެމްބަރު 2019 | ހޯމަ 12:24ބާރ ކައުންސިލުން ވަނީ ޖަބީން އަށް މަރުހަބާ ކިޔާފަ
ޝަރޫނާ އަބްދުﷲ | 9 ސެޕްޓެމްބަރު 2019 | ހޯމަ 12:24
ޑރ. ޖަބީން
ބާރ ކައުންސިލުގެ ސެކްރެޓަރީ ޖެނެރަލް ކަމަށް ޑރ. މަރިޔަމް ޖަބީން އައްޔަން ކުރައްވައިފިއެވެ.
ބާރ ކައުންސިލުން ކޮށްފައިވާ ޓްވީޓެއްގައި، އެ ކައުންސިލުގެ ސެކްރެޓަރީ ޖެނެރަލްގެ މަގާމަށް، ޖަބީން އައްޔަން ކުރުމާއި ގުޅިގެން ވަނީ މަރުހަބާ ދަންނަވާފައެވެ.
ޖަބީންއަކީ އިންސާނީ ހައްގުތަކާބެހޭ ގާނޫނުން ޕީއެޗްޑީ ފެންވަރަށް ކިޔަވާފައިވާ ބޭފުޅެކެވެ.
މީގެ އިތުރުން ޖެންޑަރ މިނިސްޓްރީގެ ސްޓޭޓް މިނިސްޓަރުގެ މަގާމުވެސް އޭނާ ވަނީ ފުރުއްވާފައެވެ. އަދި ފޮރިން މިނިސްޓްރީގެ އެޑިޝަނަލް ސެކްރެޓަރީގެ މަގާމު ވެސް އޭނާ ފުރުއްވިއެވެ.
ބާރ ކައުންސިލަކީ ގާނޫނީ ފަންނުގެ ގާނޫނުގެ ދަށުން، ވަކީލުންގެ ކަންކަން ބެލެހެއްޓުމަށްޓަކައި އުފައްދާފައިވާ ކައުންސިލެކެވެ.
