އުތުރު ހުވަދޫ މަހާސިންތާ ކާމިޔާބުކަމާއިއެކު ނިންމާލައިފި
މި މިހާސިންތާގައި އަތޮޅުގެ ރަށްރަށުގެ މެދުގައި ހުރި ގިނަ ބޮޑެތި މައްސަލަތަކަށް ހައްލު ލިބިގެންދިޔަ
އުތުރު ހުވަދޫ މަހާސިންތާގެ ތެރެއިން
ގއ. އަތޮޅު ކައުންސިލުން އިންތިޒާމް ކޮށްގެން ސެޕްޓެމްބަރު މަހުގެ 5 އިން 7 އަށް ގދ. ދާންދޫގައި ބޭއްވި އުތުރު ހުވަދޫ މަހާސިންތާ ކާމިޔާބުކަމާއިއެކު ނިންމާލައިފި އެވެ.
މި މިހާސިންތާ އާއި ގުޅޭގޮތުން ރާއްޖެ.އެމްވީއަށް މައުލޫމާތުދެއްވަމުން ގއ. އަތޮޅު ކައުންސިލްގެ ރައީސް އަހުމަދު ފުއާދު ވިދާޅުވީ މި މިހާސިންތާގައި އަތޮޅުގެ ރަށްރަށުގެ މެދުގައި ހުރި ގިނަ ބޮޑެތި މައްސަލަތަކަށް ހައްލު ލިބިގެން ދިޔަ ކަމަށެވެ. އެގޮތުން ގއ. އަތޮޅުގައި ސަރުކާރުން އަޅަން ހަމަޖެހިފައިވާ 750 ހައުސިން ޔުނިޓް ރަށްރަށަށް ބެހުމުގެ ހުރި މައްސަލަތައް އެންމެން އެއްބަސްވާގޮތަށް ވަނީ ހަމަޖެހިގެން ގޮސްފައިކަމަށް އޭނާ ވިދާޅުވި އެވެ.
މި މަހާސިންތާގައި އަތޮޅު ކައުންސިލުން އަތޮޅުގައި ހިންގަން ހަމަޖައްސާފައިވާ ތަރައްޤީގެ މަޝްރޫއުތަކުގެ އެމްއޯޔޫތަކުގައި ވަނީ ސޮއިކުރެވިފައެވެ. އަދި ކޮންމެ ރަށަކަށް ފަސްޓްއެއިޑް ކިޓެއް އަތޮޅު ކައުންސިލުން ރަށްރަށު ކައުންސިލްތަކަށް ހަދިޔާ ކުރެވިފައިވާކަމަށް ފުއާދު ވިދާޅުވިއެވެ.
